PPk eta Ciudadanosek ez dute frankismoa gaitzetsi Senatuan
Senatuak frankismoa eta “hura goratzeko edozein ekitaldi irmo” gaitzetsi ditu gaur. PSOEren mozioak PP, Ciudadanos eta Fororen abstentzioari esker egin du aurrera. Era berean, Franco Eroritakoen Bailaratik ateratzea babestu du ekimenak.
Talde sozialistaren, Unidos Podemosen eta abertzaleen babesa jaso du mozioak; guztira, aldeko 97 boto. PPk gehiengo absolutua du Ganberan. Alderdi Popularra, Ciudadanos, UPN eta Foro abstenitu dira; guztira, 136 abstentzio. Ez da aurkako botorik izan bozketan.
PPk mozioa kritikatu du eztabaidan, baina bozkatzeko orduan abstentzioa aukeratu dute Alderdi Popularreko senatariek. Diktadorearen gorpuzkiak Eroritakoen Bailaratik ateratzeko aipamena kendu nahi zuen PPk, baina talde sozialistak ez du zuzenketa hori onartu.
Tontxu Rodriguez senatari sozialistaren hitzetan, mozioak PP “mindu” egiten du, “sustrai biologiko eta ideologikoak alkandora berrian, bandera garaileetan eta Espainiako egunsentian errotzen dituelako”, “Cara al sol” ereserki falangistari erreferentzia eginez.
PPko senatariek protesta egin dute adierazpen horien aurrean. PPk diktadura frankista gaitzesten duela ziurtatu du Joel Delgado senatariak, baina Francoren gorpuzkien kokapenak espainiarrak kezkatzen ez dituela gaineratu du.
Unidos Podemosen zuzenketa bat onartu dute sozialistek, frankismoaren sententziak baliogabetzeko. “Eskuineko alderdien” abstentzioa deitoratu du Ander Gil koalizio moreko bozeramaileak, “Europako edozein herritan” ekimena aho batez onartuko luketelako.
PPri “atzamarra begietan sartzen jarraitzeko” PSOEren estrategia ote den galdetu du Jokin Bildarratz EAJko senatariak; izan ere, ekimenak ez ditu biktimak aipatzen, eta ez dio Memoria Historikoaren Legeari ekarpenik egiten.
Bestalde, “faxismoaren parke tematikoarekin” bukatzea babestu du Jon Iñarritu EH Bilduko senatariak.
Zure interesekoa izan daiteke
Konstituzioaren Laugarren Xedapena indargabetzea eskatu du UPNk, "independentismoa hazten ari den une honetan"
Cristina Ibarrolak gogoratu du UPNren aspaldiko nahia dela artikulu hau indargabetzea, Konstituzioaren erreforma baten bidez, eta orain pausoa emateko arrazoien artean "euskal independentismoa" izaten ari den bilakaera aipatu du.
Ikasle-mugimenduaren aurkako kriminalizazio kanpaina salatu du EHUko ikasle talde batek
Gasteizko EHUko Letren fakultate atarian egindako agerraldian, ikasle talde batek Voxen agerraldiari eta Martxoaren 3ari lotuta ikasle-mugimenduak jasandako kriminalizazioa gaitzetsi dute. Ikasle hauek "EAJ eta eskuineko hainbat komunikabide" jo dituzte kanpaina horren erantzule.
Espainiako Gobernua "erantzun integrala" prestatzen ari da Ekialde Hurbileko gerraren ondorio ekonomikoak arintzeko
Familiak, enpresak eta autonomoak babesteko eta trantsizio energetikoa bizkortzeko neurriak hartuko ditu, eta ez da baztertzen beherapen fiskalak egitea.
Pradalesek lurralde arteko lankidetza aldarrikatu du, "krisiak eta gerrak pilatzen ari diren" testuinguru globalean
Akitania-Euskadi-Nafarroa Euroeskualdea integrazioaren adibide dela azpimarratu du "Europara ziur iiritsiko diren eztabaidei aurre hartzeko" gunea.
Euskal Hirigune Elkargoaren funtzioaren eta izaeraren inguruko eztabaida, hauteskunde kanpainan
Ipar Euskal Herrian udal hauteskundeak egingo dituzte martxoaren 15 eta 22an. 158 udaletako ordezkariez gain, Euskal Hirigune Elkargoa ere osoki berrituko dute. Azken erakunde hori 2017an sortu zen, eta bere zereginaren inguruko eztabaida oso presente dago kanpainan. Hainbat eragileren iritziak bildu ditu ETBk, aldekoak zein kontrakoak.
Auzitegiak onartu egin du Iñigo Errejonen aurkako bigarren sexu-eraso salaketa
2021ean gertatu omen zen sexu-eraso batekin lotuta dago azken hori, Elisa Mouliaa aktoreak aurkeztutako salaketaren ondoren.
EAJk Espainiako Gobernua estutu du "Tubos Reunidosek zorra berregituratu" eta bideragarritasun plan bat landu dezan
Jeltzaleek ohar baten bidez jakinarazi dutenez, industriak "une zailak bizi ditu Estatu osoan, argindarraren prezio altuen ondorioz". "Horregatik, denbora daramagu energia prezio lehiakorragoak lortzeko neurriak eskatzen", esan dute.
EH Bilduk "inperialismoaren aurka eta bakearen alde" egingo du Aberri Egunean
Iruñean, "zazpiak bat egin" lelopean, Euskal Herria "herri bat" eta "aske izan nahi duen nazio bat" dela aldarrikatuko du.
Abian da Ipar Euskal Herriko herriko bozetarako kanpainaren azken astea
160 udalerritako auzapezak hautatu beharko dituzte herritarrek eta espero da horietatik ia gehientsuenetan, % 90etan, lehen itzulian (martxoak 15) emaitzak erabakita gelditzea, hautagaitza bakarra edo bi daudelako. Aldiz, oso litekeena da 14 herritan bigarren itzulira (martxoak 22) joatea, hautagaitzetako batek ez badu behintzat lehenengoan % 50eko babesa gainditzen. Herriko etxeez gaindiko garrantzia dute bozek, emaitzen arabera osatuko baita, ondoren, Euskal Hirigune Elkargoa.
Etxanobe, AHTari buruz: "Serio eta zorrotz ekin behar zaio, ezin dugu atzerapen gehiagorik izan"
Joan den ostiralean, Oscar Puente Espainiako Garraio ministroak esan zuen "hiruzpalau urtean" AHTa egiteko lanak bukatuta izango zurela. Horren harira, Elixabete Etxanobe Bizkaiko ahaldun nagusiak azpimarratu du, Radio Euskadiko "Boulevard" saioan egindako elkarrizketan, "egun bakarreko atzerapenak ere Euskadirako eta bereziki Bizkairako lehiakortasuna galtzea" dakarrela.