Estatuko Abokatutza, Estrasburgoren epaiari helegitea jartzearen aurka
Arnaldo Otegi EH Bilduko koordinatzaile nagusiak Bateragune auzian epaiketa inpartziala izan ez zuela ebatzi zuen Estrasburgoko Giza Eskubideen Auzitegiak. Epai horren aurkako helegiterik ez planteatzeko gomendioa eman du orain Estatuko Abokatutzak, errekurtsoak aurrera egingo ez lukeela eta Espainiaren sinesgarritasunari kalte egingo liokeela uste duelako.
Estatuko abokatuaren txostenaren arabera, gai bat berriz aztertzea salbuespenezko kasuetan soilik eska diezaiokete Sala Nagusiari. Gainera, hitzarmenaren irakurketa edo izaera orokorreko arazo larri bat dagoenean bakarrik onartzen ditu tramitera.
Sala Nagusia apelazioko auzitegi arrunt bat bezala hartzerik ez dagoela agerian uzten du doktrinak, Abokatutzaren arabera. Gainera, Estrasburgoko Giza Eskubideen Auzitegian epaileen alderdikeriaren inguruko jurisprudentzia sendoa dagoela gogorarazi du Estatuko abokatuak. Epaian Estrasburgok erabakia sakon arrazoitu zuela dio, bere garaian Espainiako epaile batzuek ere boto partikularrekin azaldu bezala.
Estatuko zerbitzu juridikoen hitzetan, Estrasburgoko Giza Eskubideen Auzitegiaren aurrean Espainiaren sinesgarritasunari kalte egin diezaioke helegitea aurkezteak, eta etorkizunean ondorio negatiboak izan garrantzi handiko beste kontu batzuetan.
Iturri juridikoen esanetan, helegitea aurkeztearekin Otegiren aldeko epaia irmoa izatea hilabete gutxi batzuk atzeratzea soilik lortuko lukete.
Estrasburgoko ebazpenaren ondotik, kargu publikoan aritzeko 10 urteko debekua baliogabetzeko “bideak” zabaltzen zirela adierazi zuen buruzagi abertzaleak, baina hautagai izateko asmoa ote duen ez zuen argitu.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.