Zeintzuk dira Vox alderdiak Andaluziako Parlamentuan izango dituen 12 hautetsiak?
Igandean Andaluzian egin diren hauteskundeetan, Vox alderdia indartsu sartu da Parlamentuan 391.889 boto (% 10,95) eta 12 diputatu lortuta. 37 urteren ostean, sozialistak gobernutik irten eta eskuina agintera hel daiteke, izan ere, PPk, Ciudadanosek eta Voxek gehiengo osoa dute.
Vox alderdiak zortzi probintziatan lortu ditu ordezkariak: bina Sevillan, Malagan, Cadizen eta Almerian eta bana Kordoban, Granadan, Jaenen eta Huelvan.
12 diputatu horien buru, Francisco Serrano epaile sevillarra. Andaluziako Justizia Auzitegi Nagusiak 2011n zigortu zuen, adin txikiko bat Sevillako Aste Santuko prozesio batean atera zedin haren zaintza zehazten zuen txandan aldaketa bat egiteagatik. Auzitegi Gorenak Andaluziako Justizia Auzitegi Nagusiaren zigorra berrikusi, eta gogortu egin zuen. Gerora, Auzitegi Konstituzionalak Sevillako epailea babestu eta Gorenaren epaia bertan behera utzi zuen. Dena den, Andaluziako epaitegiaren epaia berretsi zuen. 2017an, Auzitegi Gorenak Francisco Serrano epailea birgaitu zuen, eta gaur egun eszedentzian dago.
Maria Jose Piñero izango da Sevillako bigarren diputatua. Lanbidez medikua, ezkonduta dago eta zazpi seme-alaba ditu. Gaur egun, Vox alderdiaren presidentea da Sevillan.
Almeria ordezkatuz, beste bi diputatu izango ditu Voxek. Luz Belinda Rodriguez (38 urte) Aireko Armadako kide izan zen. Ibilbide militarra albo batera utzita, segurtasun pribatuko enpresa batzuetan egin zuen lan, eta gaur egun etxekoandrea da. Rodrigo Alonsok (38 urte) udal politikagintzan esperientzia du. Administrazio eta Enpresa Zuzendaritzan lizentziatua, gaur egun telekomunikazio enpresa txiki bat du.
Malagari dagokionez, Eugenio Molto eta Ana Gil Roman izango dira Voxeko ordezkariak. Eugenio Molto (58 urte) albaitaria da lanbidez. 1996 eta 2002 artean, Albaitarien Kolegioko presidentea izan zen. PPko militante izan zen hainbat urtez, 2014an alderdia utzi zuen arte. Aurrez udal politikagintzan aritua da, hain zuzen ere, Esteponan. Gaur egun, alderdiko presidentea da Malagan. Ana Gil Roman erretiratuta dago gaur egun, baina hainbat urtez abokatu bulego batean egin zuen lan idazkari gisa. Aurrez, 2015ean, Voxeko alkategaia izan zen Esteponan.
Cadizen, Manuel Gavira eta Angela Mulas hautatu dituzte. Manuel Gavira (1969an jaio zen) abokatua da lanbidez. Angela Mulas ere abokatua da, merkataritza zuzenbidean aditua.
Huelvan, Rafael Segovia aukeratu dute. Medikua lanbidez, hastapenetatik egin du lan Vox barruan. Huelvako alkate izan zen Antonio Segoviaren iloba da.
Granadaren izenean, ostera, Francisco Jose Ocaña Castellon egongo da. 47 urte ditu, ezkonduta dago eta hiru seme-alaba ditu. Droneen inguruko enpresa bateko gerente eta abiazio komertzialeko pilotua da. Halaber, coaching politikoan eta planifikazio estrategian formazioa du.
Jaen ordezkatuz, Benito Morillo arituko da. Militar ohia da, eta hasieratik dago Voxi lotuta.
Azkenik, Alejandro Hernandez abokatua izango da Kordobako diputatua. Ezkonduta dago eta hiru seme ditu.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.