EiTB Focus: EAJk irabaziko lituzke Udal Hauteskundeak Gasteizen, Bilbon eta Donostian
Eusko Alderdi Jeltzaleak (EAJ) irabaziko lituzke Euskal Autonomia Erkidegoko hiru hiriburuetako hurrengo hauteskundeak, EiTB Focus inkestaren arabera. Gasteizko kasuan, EAJk lehen tokia kenduko lioke PPri. Popularrek hirugarren postuan eskuratuko lukete. Gizaker inkesta-etxeak Euskal Irrati Telebistarentzat egindako galdeketaren datuak dira, Udal eta Foru Hauteskundeetarako sei hilabete geratzen direnean.
Inkesta azaroaren 23tik abenduaren 3ra bitartean egin zuten 1.750 telefono-deiren bidez Araban, Bizkaian eta Gipuzkoan. Nafarroako Parlamentuari eta Iruñeko Udalari buruzko datuak ostegunean argitaratu ziren, eta Arabako, Bizkaiko eta Gipuzkoako Foru Hauteskundeen ingurukoak eguerdian plazaratu dira.
EAJ indar bozkatuena izango litzateke Gasteizko Udal Hauteskundeetan, 7 zinegotzirekin, aurreko hauteskundeetan baino 2 gehiago.
EH Bilduk aurrekoan lortutako emaitzari eutsiko lioke, eta bigarren indar bozkatuena litzateke.
Alderdi Popularrak 4 zinegotzi galduko lituzke, eta Arabako hiriburuko hirugarren indarra izatera pasatuko litzateke.
Elkarrekin Podemosek bere laugarren zinegotzia lortuko luke, eta PSE-EEk bat galduko luke.
Ciudadanos Gasteizko Udalean sartuko litzateke, 2 ordezkarirekin.
EiTB Focusek Gasteizko politikariei eta Arabako hiriburuaren udal kudeaketari buruz ere galdetu du.
Bilbon, EAJk emaitzak hobetuko lituzke, eta zinegotzi bakarrera luke gehiengo osoa, 2015ean baino bat gehiago lortuko luke eta.
EH Bilduk ere zinegotzi bat gehiago eskuratuko luke.
Elkarrekin Podemosek eta PSE-EEk gaur egun dituzten 4 ordezkariak mantenduko lituzkete.
PPk 2 galduko lituzke, 2 ordezkari lortuta.
Herritarrek Bilboko alkateari eta zinegotziei buruzko iritzia ere eman dute inkesta, eta baita Udalaren jardunari buruzkoa ere.
EAJk irabaziko lituzke hauteskundeak Donostian, 2 zinegotzi gehiago lortuta (11).
PPk zinegotzi bat galduko luke, 2 eskuratuko bailituzke. Irabazi taldeak, berriz, egun dituen 2ak mantenduko lituzke.
Beste hiriburuetan bezala, inkestak Donostiako politikarien eta udalaren kudeaketaren gaineko iritzia ere galdetu du.
Fitxa teknikoa
EAEn bizi diren 1.750 pertsona (Gasteizen 400, eta Arabako gainerako udalerrietan 150; Bilbon 400 eta Bizkaiko gainerako udalerrietan 200; Donostian 400 eta Gipuzkoako gainerako udalerrietan 200).
La= ±% 2,34, konfiantza-maila % 95, p=q=0´5, EAEko datuetarako, ±% 4,18 Arabako datuetarako, % 4,00 Bizkaiko datuetarako, % 4,00 Gipuzkoako datuetarako, % 4,90 Gasteizko datuetarako, % 4,90 Bilboko datuetarako eta ±% 4,90 Donostiako datuetarako.
Lurralde, udalerri, sexu eta adinaren arabera geruzatutako zorizko lagina. Inkesten % 21,9 euskaraz egin dira, eta gainerako % 78,1a, gaztelaniaz.
Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2018ko azaroaren 23a eta abenduaren 3a bitartean egin zuten telefonoz elkarrizketak eginez.
Galdeketen batez besteko iraupena 6,17 minutukoa izan zen: motzenak 4 minutu iraun zuen, eta luzeenak, 15 minutu.
Zure interesekoa izan daiteke
Zaldibarko EH Bilduk babes osoa agertu dio Arantza Baigorri alkate ohiari, eta "inpartzialtasuna" eskatu du
EH Bilduren esanetan, "lurralde antolamenduarekin lotutako auzi honek ez du zabortegiaren amiltzearekin zerikusirik". Horren ustez, "amiltzearekin lotzeko saiakerek desitxuratzea dute helburu eta erabat lekuz kanpo daude".
Andueza "espainolistatzat" jo du Arrizabalagak, Pasaiako portuaren aferagatik EAJk eta PSEk duten sesioan
PSE-EEko idazkari nagusiak joan zen ostiralean adierazi zuenez, "EAJk Pasaiako portua lehiaketako elitetik atera nahi du, hiruzpalau maila azpitik joka dezan".
San Sebastian egunean ETAko bi preso ohiri egindako "ongietorria" salatu du Covitek
Terrorismoaren biktimen elkartearen arabera, 2022tik izan den lehen ongietorri publikoa da.
Sanchezek nabarmendu du "pentsioak bai ala bai igoko" direla, "PPren babesarekin edo babesik gabe"
Exekutiboak gaur arratsaldean ekingo die berriro talde parlamentarioekin elkarrizketei, Kongresuak 'omnibus dekretua' bertan behera utzi eta egun batzuetara.
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.