Sanchezek defizitaren muga berria aurrera atera du ERCren eta PDeCATen babesarekin
2019-2021 eperako defizit muga aurrera atera du Espainiako Gobernuak bigarren saiakeran, PSOE, Unidos Podemos, ERC, PDeCAT, EAJ eta Compromisen babesarekin. PP, Ciudadanos, EH Bildu, Foro Asturias eta Coalicion Canariak, aldiz, kontrako botoa eman dute. Hala ere, PPk Senatuan duen gehiengoak akordioa berriro atzera botako du datorren ostegunean.
Konkretuki, Gobernu zentralak 2019-2021 eperako proposatutako zor publiko eta egonkortasun helburuak onartu ditu Diputatuen Kongresuak. 176 diputatuk aldeko botoa eman dute, eta 168k kontrakoa.
Defizit muga berria atzera bota zuen Senatuak uztailean. Datorren urterako % 1,8ko defizita aurreikusten du akordioak. 6.000 milioi euroko tarte bat ematen dio aurrekontuari. Zentsura-mozioko bazkideen babesa berreskuratzea lortu du Exekutiboak bozketan.
Defizit helburuen onarpena 2019rako Estatuko Aurrekontu Orokorren lege-proiektua onartzeko atarikoa da. Gobernu zentralak egitasmoa Ministroen Kontseiluan onartu eta Kongresuari igorriko dio urtarrilean.
Nahiz eta Kongresuak defizitaren muga onartu, Espainiako Gobernuak Senatuaren babesa behar du. PPren gehiengo absolutuak berriro atzera botako du abenduaren 27an. Ondorioz, 2019rako aurrekontuak Mariano Rajoyren defizit mugarekin (% 1,3) onartu beharko ditu Exekutiboak.
“Geratzen diren zubi urriak eta elkarrizketa hari oso mehea” ez hausteko “borondate oneko” mezu bat azaldu nahi izan du ERCk; “litekeena da azken keinua izatea”. “ERCgatik ez da izango. Hona hemen gure keinua, orain pilota zuen teilatuan dago”, adierazi du Joan Maragall ERCko diputatuak.
Ildo beretik, “Aurrekontu Orokorrei babesa emateko bezperan ez” daudela ohartarazi du Ferran Bel PDeCATko ordezkariak. Kontu publiko berriei babesa emateko Espainiako Gobernuak Kataluniari konponbide politikorako proposamen bat egin behar diola esan du Belek, eta “ez da Estatut berri sinple izango”.
Bestalde, Espainiako Gobernuaren elkarrizketa falta kritikatu du Marian Beitialarrangoitia EH Bilduko diputatuak.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.