'Nafarroa etorkizunari aurre egiteko indartuago dago', Barkosen esanetan
Uxue Barkos Nafarroako presidenteak urte amaierako mezuan baieztatu duenez, "oinarri sendo eta irmoek ematen duten egonkortasunari esker, etorkizunari segurtasunez egin ahal diote aurre nafarrek". Horretarako, beharrezkotzat jo du hainbat balore aintzat hartzea: gizarte-kohesioa, elkartasuna eta esfortzu partekatua, besteak beste. "Balore horiek gure armarik onena dira etor litezkeen mehatxuen aurrean", esan du.
Nolabait esateko, Barkosek nabarmendu du Nafarroa "hobeto trebatuta eta indartuago" dagoela gaur egun. Lau urtez egonkortasun politiko eta ekonomikoa kateatu dutela azpimarratu du, kontuak antolatzeko orduan nahiz lehentasunak aldatzerakoan Nafarroako Aurrekontuak onartzea "giltzarri" izan dela argi utzita.
Ildo horretan, azken urteotako egonkortasuna adierazle sozioekonomikoetan islatu dela azpimarratu du. Alabaina, "ezin gara horrekin konformatu" esan eta kalitatezko enplegua sustatzea erronka nagusi dutela azaldu du: "Hori lortzeko, erabateko ahalegina egingo dugu".
Genero indakeriaren aurkako borroka
2018ari dagokionez, Barkosek garbi du nafarrak "inoiz ez bezala atera direla kalera emakumeen eta gizonen arteko berdintasuna aldarrikatzeko, eta mobilizazio historikoak egin dituztela diskriminazioaren, erasoen eta indarkeriaren aurka".
"Zalantzarik gabe, emakumeen kontrako indarkeriaren aurkako borrokari eutsiko diogu 2019an ere. Arlo eta fronte guztietatik egin beharreko borroka da, gaia errotik helduta eta hezkuntzara ere bideratuta", babestu du.
ETAren amaiera
Era berean, 2018an ETAren behin-betiko bukaera heldu dela gogorarazi du, "aspaldi gure gizarteak ezarritako eskakizuna beteta".
Autogobernua
Bestalde, foru erregimenaren eta autogobernuaren aldeko konpromisoa berretsi du Nafarroako presidenteak. Bereziki, Nafarroari dagozkion Trafiko eta Bide Segurtasuneko eskumenak berreskuratzeko beharra aldarrikatu du.
"Espainiako Gobernuak zor hori betetzeko aukera dauka. Nafarroak dagoeneko egin du bere lana, eta zorrotzak izango gara", amaitu du.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.