Guardiako zinegotzi bat ikertzen ari dira haren okindegian izandako suteagatik
Urriaren amaieran Guardiako okindegi batean piztutako sutea lantegi horretako jabeak nahita eragindakoa izan ote zen ikertzen dabil Gasteizko 2. Instrukzio Epaitegia. Hasiera batean, erasoak "kutsu politikoa" zuela erakutsi nahi izan zuen Araban Ciudadanosek lortu zuen zinegotzi bakarrak, baina badirudi salaketa faltsua egin zuela.
Urriaren 26an jazo zen ezbeharra. Egun horretan, okindegi bateko gozogintza lantegian sutea gertatu zen. Ertzaintzak gasolina bidoiak eta mehatxuzko pintadak aurkitu zituen barruan. Horietako batean "Hil zaitez, faxista" irakur zitekeen. Gauzak horrela, okinaren aurkako ustezko erasoaren gaineko ikerketa abiatu zuen Ertzaintzak.
2015eko hauteskundeetan Ciudadanoseko zerrendetan aurkeztu zen zinegotzi hori, baina gaur egun talde mistoko ordezkari da.
Ikerketak aurrera egin ahala, Ertzaintzak zinegotzia bera salatu zuen, erasoa nahita eragindakoa izan omen zelako. Radio Euskadik jakin ahal izan duenez, delituaren itxura egiteagatik ari dira ikertzen Guardiako zinegotzia.
Dirudienez, segurtasun kamera baten grabazioari esker jakin dute zinegotziak berak sabotajean parte hartu zuela, nahiz eta akusatuak ez duen egindakoa onartu.
Zure interesekoa izan daiteke
Imanol Pradales atxilotutako gazteei buruz: "Nire alaba balitz, erantzukizunen bat hartuko nuke"
EHKSk Bilboko istiluetan parte hartu ez zuela dio: "Quiles ez etortzea lortu zenean, helburuak beteta zeuden"
Podemosek zuhurtzia eskatu du, baina ez du baztertzen infiltratutako poliziak edo ultraeskuindarrak egotea istiluen atzean
Mikel Irujo eta Aitana Duque EAJren hautagaiak izango dira Nafarroako Parlamenturako Geroa Bairen zerrendan
Deustu, istiluen biharamunean: 55.000 euroko kalteak zenbatu dituzte
ErNEk Alfonso Garaikoetxea kargugabetzea eskatu du, Bilboko istiluak direla eta
Insaustik ziurtatu du indarkeria ez dela itzuliko Donostiako kaleetara, Blocusen deialdien aurrean
Javier de Andrés: "Absentismo daturik txarrenak dituen erkidegoa gara"
Ubarretxena: "Onartezina da elkarbizitza nahita okertzen duten talde antolatuak egotea"