Jordi Sanchez hautatu dute Cridako presidente, mugimenduaren eratze kongresuan
Jordi Sanchez ANCren buruzagi ohia -U-1eko epaiketa dela eta, espetxeratuta dutena- aukeratu dute larunbat honetan Crida Nacional per la Republica mugimendu berriko presidente. Antoni Morral izango da Kataluniako mugimendu independentista honen idazkari nagusia. Sanchez bera, Carles Puigdemont eta Quim Torra daude bultzatzaileen artean.
Sanchez-Morral bikoteak 2.417 kongresistaren babesa lortu du, eta kandidatura alternatiboak 115 boto eskuratu ditu.
Hauek izango dira zuzendaritzako 19 kideak: Laura Borras eta Elsa Artadi kontseilariak (boto gehien lortu dutenak), Gemma Geis, Pilar Calvo, Marina Geli, Pep Andreu, Ferran Mascarell, Albert Batet, Damia Calvet, Maria do Carmo Marques-Pinto, Miquel Angel Escobar, Jordi Pairo, Irene Negre, Rosario Palomino, Assumpcio Castellvi, Angels Cabases, Montse Morante, Josep Ferrer eta Gerard Sesé. Rosario Palomino eta Gerard Sese kazetariak zerrenda alternatibokoak.
Puigdemont eta Torraren hitzaldiak
Carles Puigdemontek hitzaldia egin du zuzenean Waterlootik (Belgika) bideokonferentzia bidez, kongresua ixteko. "Puigdemont, gure presidentea" oihu artean hartu dute eta "batasuna" leloa ere askotan errepikatu dute, kartelak altxatuz, ERC eta CUPi erreferentzia eginez.
Puigdemontek esan du mugimendu independentista berria subiranotasunaren arteko batasuna bultzatzeko asmoz jaio dela, batasunik gabe "urrundu egingo baita garaipena". Cridaren helburu politikoa "nazioartean onartuko duten errepublika bat izan arteko egunak kontatzea" dela ere esan du: "demokrazia erreal, oso eta indartsu batean biziko garen eguna, askatasuna eta errespetua nagusituko diren eguna.
Quim Torra Generalitateko presidenteak bere Gobernuaren eta JxCaten papera defendatu du, ANCtik jaso dituen kritiken ostean eta "mobilizaziora" deitu du. "Batasunaren, askatasunaren eta errepublikaren urtea" izango dela esan du eta horretarako, "azken muturrera arte mobilizatzen jarraitzeko" eskatu die katalanei, " modu demokratikoan eta baketsuan beti".
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.