EH Bildu buru duen ezkerreko gobernu bat osatzea proposatu du Asironek Iruñerako
Joseba Asiron Iruñeko jarduneko alkatea eta EH Bilduren hautagaia "hitz egiteko prest" agertu da, "eskuinaren gobernua ez errazteko", baina "txeke zuri bat" eman gabe, eta koalizio abertzalea buru izango duen ezkerreko gobernu bat osatzea proposatu du.
Nafarroako hiriburuko maiatzaren 26ko hauteskunde emaitzak izan ditu hizpide alkateak. Navarra Suma gehiengo osotik gertu utzi dituzte, eta EH Bildu, zazpi zinegotzirekin. Aurreko legegintzaldian bost izan zituen, baina oraingoan ez du babesik lauko gobernua berriz osatzeko.
Asiron Maider Beloki eta Joxe Abaurrea zinegotziak babestu dute prentsaurrekoan. Bertan onartu du "politika konplexua dela eta taula askotan jokatzen dela". "Dena dago lotuta", esan du. Nabarmendu duenez, Enrique Maya Navarra Sumako hautagaiak eta "batutako eskuinek" PSN bezalako "indar aurrerakoi eta ezkerreko baten" ekintzaren edo omisioaren bidez baino ezin izango dute alkatetza lortu.
Jarduneko alkatearentzat, "ez dago ezkerreko kanpaina bat egitea" eta gero "eskuineko gobernu baten helduera erraztea baino txarragorik". Horregatik, 2007ko abuztuan gertatutakoa ez errepikatzea eta PSN UPNren "makulua" berriz ez izatea eskatu du.
Iruñean EH Bildu buru izango duen ezkerreko gobernu bat osatzearen alde agertu da Asiron. Esan duenez, "inbestidura akordio baterako ez litzateke arazorik egon behar".
Azpimarratu duenez, "aukera guztiak irekita daude" ekainaren 15eko osoko bilkurara arte. "Txirrina jo arte saiatuko gara", gehitu du.
Zentzu horretan, Iruñeko Udaleko legealdi honek, "baldintza horiek ahazten ditugunean, akordioak lor ditzakegula" erakutsi duela esan du, eta gogorarazi du PSNk EH Bilduk baino 10.000 bat boto gutxiago lortu dituela.
Igandean Maite Esporrin PSNko hautagaiak esandakoari buruz,"agur, Asiron!", pozik agertu zen. Jarduneko alkateak esan du, momentu horretan, sozialistak ez zuela "errealitatea behar bezala zenbatetsi", eta "hauteskunde gauaren beroaren ondorioz, presatsua izan zen".
Asironen arabera, "eskuinak batuta aurkeztuta ere" ez du Navarra Sumak gehiengo osoa lortu, eta ez du alkatetza eskuratuko "PSNk ematen ez badio".
EH Bilduk egindako hauteskunde kanpaina "bikaina, ezohikoa, ausarta eta irudimentsua" balioetsi du. Iruñean "izugarrizko babesa" izan duela esan du, koalizioak botoen % 25 lortu du eta.
Iruñeko Udalean bigarren indarra izatea, hirugarrena den PSNk baino "10.000 boto gehiagorekin", "EH Bilduk azken lau urteetan izandako lidergoa baieztatzen du", esan duenez.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.