Puigdemontek eta beste 74 diputatuk aurkeztutako salaketa atzera bota dute Europan
Estrasburgoko Giza Eskubideen Auzitegiak baztertu egin du Carles Puigdemont Kataluniako presidenteak, Carme Forcadell Parlamentuko presidenteak eta 74 diputatuk 2017ko urriaren 9ko Parlamentuko osoko bilkura bertan behera uztearen aurka aurkeztu zuten salaketa. Bilkura horretan U-1eko emaitzak aztertu behar zituzten.
Europako Auzitegiaren arabera, Konstituzionalak Kataluniako Parlamentuko osoko bilkura bertan behera uzteko emandako epaia "beharrezkoa zen, Ganberan gutxiengoan ziren parlamentarien eskubideak eta askatasuna bermatze aldera". Giza Eskubideen Auzitegiak argudiatu duenez, Junts Pel Si eta CUP taldeek (Parlamentuan gehiengoa zuten) deitu zuten bilkura, eta "gehiengo horren gehiegikerien aurrean" gutxiengoan zeudenak babesteko asmoa zuen Auzitegi Konstituzionalak PSCk babes-helegitea aurkeztu eta gero.
Beste arrazoi bat ere aipatu du Estrasburgok salaketa baztertzeko. Horren ustez, osoko bilkura Erreferendum Legearen arabera deitu zuten, baina lege hori Konstituzionalak berak baliogabetu zuen aurretik; hortaz, "ezin zuten aplikatu".
Junts Pel Si eta CUP taldeek eskatuta
Urriaren 1eko erreferendumaren ondotik, bi talde parlamentariok (Junts pel Si eta CUP) emaitzak aztertzeko bilkura deitzeko eskatu zioten Parlamentuko Mahaiari. Erakundeak eskaera onartu eta urriaren 9rako deitu zuen. Beste talde parlamentario batzuek erabaki horren aurka egin zuten, Ganberako araudia urratzen zuela iritzita. Sozialistek babes-helegitea aurkeztu zuten Konstituzionalean, bilkura behin-behinean bertan behera uztea eskatzeko. Auzitegiak onartu egin zuen.
Urriaren 10ean, Puidgdemontek agerraldia egin zuen Parlamentuan. Bertan, "Kataluniako independentzia aldarrikatu, baina horren ondorioak behin-behinean bertan behera uztea proposatu zuen, elkarrizketa abiatzeko".
Salatzaileek hainbat eskubide urratu zitzaizkiela argudiatu zuten
Puigdemontek ez ezik, Carme Forcadell Parlamentuko presidenteak, Oriol Junqueras presidenteordeak, hainbat kontseilarik eta Mahaiko kideek ere jo zuten Giza Eskubideen Europako Auzitegira.
Salaketan argudiatu zutenez, bilkura bertan behera uzteak euren "adierazpen askatasuna eta biltzeko eskubideak" urratu zituen, "erreferendumean boto-emaileek emandako iritzia adierazteko modua ez zutela".
Giza Eskubideen Europako Auzitegiak, ordea, ez du uste Puigdemont eta gainerako salatzaileak babesik gabe geratu zirenik. Estrasburgoren iritzian, "premiazko behar sozial" batek bultzatuta hartu zuen erabakia Konstituzionalak, eta hortaz, ondo jokatu zuen.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.