155a ezarri izana babestu du Konstituzionalak, salbuespen neurria dela zehaztuta
Auzitegi Konstituzionalak begi onez ikusi du Katalunian Konstituzioaren 155. artikulua aplikatu izana. Hala, Mariano Rajoyren Gobernuak bultzatu eta Senatuak 2017ko urriaren 27an onartutako neurria babestu du.
Aho batez hartu du erabakia Bermeen Auzitegiko epaimahaiak, Kataluniako Parlamentuak eta Podemoseko 50 diputatuk aurkeztutako helegiteei erantzunda.
Oraingoz erabakia bakarrik jakinarazi dute. Ebazpenaren xehetasunak aurrerago egingo dituzte publiko. Alabaina, EFE agentziak auzitegiko iturriak aipatuta zabaldu duenez, Konstituzionalak zehaztu du premiazko eta muturreko salbuespen egoeratan soilik ezar daitekeela 155. artikulua.
Eta, epaimahaiaren iritzian, Kataluniakoa salbuespen egoera zen, 2017ko urriaren 1ean erreferenduma egin zutelako eta ondoren aldebakarreko independentzia aldarrikatu zutelako.
Testuinguru horretan, 2017ko urriaren 27an, Senatuak baimena eman zion Espainiako Gobernuari Kataluniako erakundeen kontrola bere gain hartzeko.
Auzitegi Konstituzionalak independentzia aldarrikapena baliorik gabe utzi zuen orduan, eta orain 155. artikulua aplikatu izan babestu egin du, Unidos Podemos talde parlamentarioak eta Kataluniako Parlamentuak aurkeztutako konstituzio-kontrakotasun helegiteak baztertuta.
Aldizkari ofizialetako argitalpenei buruzko puntu batean soilik eman die arrazoia. Kataluniako Gobernuaren edo Parlamentuaren aldizkari ofizialetan publikatutako arauak bere oniritziarekin soilik sartuko zirela indarrean erabaki zuen Espainiako Gobernuak, baina akordio hori baliorik gabe utzi du Konstituzionalak.
Kataluniako Parlamentuak aurkeztutako helegitearen harira, Konstituzionalak babestu egin du Senatuak onartutako neurriak ezarri ahal izateko hartu ziren erabaki guztiak.
155. artikuluaren bidez, Carles Puigdemont Generalitateko presidentea eta bere gobernuko kide guztiak kargugabetu zituzten eta Espainiako Gobernuak hartu zuen Kataluniari dagozkion eskumen guztien gaineko kontrola. Abenduaren 21ean hauteskundeak egin ostean indargabetu zuten salbuespen egoera Katalunian.
Auzitegi Konstituzionalak Mariano Rajoyren Gobernuak egindakoa babestu du, baina argi utzi du 155. artikulua salbuespen kasuetarako mekanismoa dela eta ezin daitekeela nahieran erabili.
Zehaztapen garrantzitsua da, PPk eta Ciudadanosek sarritan eskatu baitute 155a berriro aplikatzea Katalunian.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.