UPNk, PPk eta Ciudadanosek Sanchez estu hartu nahi dute Nafarroa erabiliz
Javier Esparza UPNko presidentea Navarra Suma (UPN, PP eta Ciudadanos) koalizioa osatzen duten alderdietako buruzagiekin bildu da goizean, Madrilen. Pedro Sanchez Espainiako jarduneko gobernuburuari presioa egin nahi diote Esparzak, Pablo Casadok eta Albert Riverak, eta Nafarroan abertzaleek babestutako gobernu sozialista bat eragotzi. Hiru alderdiek adierazpen bateratua sinatu dute Diputatuen Kongresuan.
Nafarroan Geroa Bairekin eta EH Bildurekin "akordiorik ez ixteko" eta "atzera egiteko" eskatu diote Sanchezi. Sozialistek kontrakoa egiten baldin badute, PSOErekin akordiorik ez ixteko konpromisoa hartu dute hiru alderdiek.
Hala ere, PPk eta UPNk sinatutako adierazpenarekin ez du bat egin Ciudadanosek. Honenbestez, sinadura bakoitzak bere aldetik egin du Nafarroako alderdi erregionalistarekin.
Arrakalak Navarra Suma koalizioan
Are gehiago, Navarra Suma koalizioa Ciudadanosek eta UPNk soilik osatzen dutela esan du Albert Rivera alderdi laranjako presidenteak; izan ere, bere alderdiak "ez du PPrekin ezer sinatu".
Koalizioa barruko arrakalei garrantzia kendu diete Javier Esparza UPNko presidenteak eta Pablo Casado PPko buruzagiak agerraldian, baina Alderdi Popularreko presidenteak Ciudadanosen jarrera kritikatu du: "Hau ez al zen politika berria, horretarako betikoarekin geratzen naiz".
Casadoren ahotan, PP alderdi "serio eta arduratsua" da, eta Ciudadanosek "argazkian atera nahi baldin badu, primeran", eta ez badu nahi, errespetatuko du. Garrantzitsuena adierazpen bateratua egotea da, bik edo hiruk sinatzeak berdin dio, gaineratu duenez.
Era berean, egoera bitxia justifikatu du Esparzak. Hiru alderdiek "ahots propioa izatea behar dute une zehatzetan", eta banan-banan sinatzeari "garrantzia handirik ez" ematea eskatu du.
Esparzaren hitzetan, hiru orrialdeko adierazpenarekin Sanchezi "laguntza eman" nahi diote, Foru Erkidegoan "terroristen lagunekin" akordiorik ez ixteko, EH Bilduri erreferentzia eginez. Navarra Sumaren gobernu bat erraztea eskatu dio UPNko presidenteak buruzagi sozialistari, trukean alderdi erregionalistak Sanchezen inbestidura babesteko.
"Nafarroan Arnaldo Otegi poztuko lukeen itun bat eragozteko garaiz dago oraindik, terrorismoa zokoratzeko", erantsi du Esparzak.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.