EAren ezohiko Batzar Nazionala bi ildoen arteko adostasunik gabe amaitu da
Eusko Alkartasunak (EA) ostiral arratsaldean Gasteizen egindako ezohiko Batzar Nazionala alderdi horren baitan dauden bi ildoen arteko adostasunik gabe amaitu da. Idazkari nagusi berria aukeratzeko prozesuan "praktika irregularrak" salatu ditu sektore kritikoak, eta zuzendaritzak afiliazio datuak “ezkutatzen” dizkiola ziurtatu du.
Bilera horretan, hauteskunde primarioen prozesua “berresten duen” ebazpen bat onartu zuten. Horren arabera, Joseba Gezuraga EAko behin behineko idazkari nagusiak irailaren 16a baino lehen deitu beharko lituzke primarioak, alderdi horretako idazkari nagusi berria aukeratzeko. Pello Urizarrek ekainean eman zuen dimisioa.
Halaber, irailaren 6aren aurretik primarioen prozesuari buruz dauden ezadostasunak aztertzeko eta argudiatzeko eskatu diote Berme Batzordeari. Batzarrean parte hartu duten 81 kidetatik 49 azaldu dira ebazpenaren alde eta bakarra kontra.
Nafarroa, Gipuzkoa eta Arabako koordinatzaileek sustatzen duten ildo kritikoak, ordea, gaitzetsi egin du atzo onartutako ebazpena eta ohar baten bidez salatu du prozesuak ez duela hautagai guztientzako aukera berdintasuna bermatzen. Gainera, alderdiaren egungo zuzendaritzak ez diola alderdiaren datu-baserako sarbidea eskuratzen uzten ziurtatu du, eta berehala auzitara joko duela iragarri du.
Hortik haratago, alderdiaren beraren norabidea salatzen du Eusko Alkartasunaren ildo kritikoak. EH Bilduren baitan alderdi sendoa nahi dute EAko kritikoek, baina egungo zuzendaritzari kontrakoa egitea leporatzen diote, alegia, Urizarrek hasitako bideari jarraituz, EH Bilduren barruan EA desagerrarazten uztea.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.