PPk eta Ciudadanosek Sanchezen aurka egin dute, Nafarroan lortutako akordioa dela eta
PPk eta Ciudadanosek Pedro Sanchez Espainiako Gobernuko jarduneko presidentearen aurka egin dute larunbat honetan, PSNk, Geroa Baik eta Podemosek Nafarroan koalizio gobernua osatzeko lortutako akordioa dela eta. Dena dela, EH Bilduren abstentzioa ezinbestekoa da Maria Chivite Nafarroako Gobernuko presidente izendatzeko, eta Nafarroako EH Bilduren Mahai Politikoak hautagai sozialistaren inbestidura “ahalbidetzea” proposatu dio militantziari, "beharrezkoak diren abstentzioen bidez".
Ildo horretatik, ostiralean lortutako "akordioa berehala apurtzea" eskatu dio Cuca Gamarra PPko Gizarte Politikarako idazkariordeak PSOEri, “Sanchezek ezin duelako onartu hautagai sozialista EH Bilduren abstentzioari esker izendatzea Nafarroako Gobernuko presidente”.
Gamarrarentzat, Pablo Casadok buru duen Alderdi Popularra da Pedro Sanchezen ordez dagoen aukera bakarra, “hautestontziek horrela dela esateaz gain, alderdia leiala izan delako Espainiarekin, bere ideologiari tinko eutsiz eta bere boto-emaileen konfiantzari erantzuna emanez”.
Halaber, Alfonso Alonso EAEko PPko presidenteak, "nafarren interesak traizionatu” eta “nazionalistek eraiki nahi duten proiektuaren agintea EH Bilduren esku utzi izana” leporatu dio Sanchezi. Hala, “sozialistei axola zaien gauza bakarra agintea” dela ziurtatu du Alonsok.
Pablo Casado PPren presidenteak esan du "ikaragarria" dela gobernua osatu ahal izateko PSOEk bere alderdiaren abstentzioa eskatzea, Nafarroan "ETAren defendatzaileekin negoziatzen duten bitartean”.
Halaber, koalizio abertzaleak "PSOEren lehentasunezko solaskideak" direla esan duela ziurtatu du buruzagi popularrak Twitterren zabaldutako mezu batean.
Albert Rivera Ciudadanoseko buruak ere "lehentasunezko solaskide" gisa aurkeztea aurpegiratu dio koalizioa abertzaleari, eta bi aldeek “harreman estua” izateko konpromisoa hartu dutela azpimarratu du.
"Horrela eman du Batasunak Nafarroan PSOErekin sinatu duen itunaren berri. Sanchezek Konstituzioari egindako traizio barkaezin bat da hau", ondorioztatu du Riverak.
Ines Arrimadas Ciudadanoseko bozeramaileak ere Nafarroan koalizio gobernua osatzeko akordioa kritikatu du, PSNk ituna nazionalistekin sinatu duelako. Gauzak horrela, Ciudadanosek argi utzi du ez duela bere abstentzioa negoziatuko Sanchez nazionalisten babesik gabe presidente izatea ahalbidetzeko. "Zerbait ondo egiten ari gara EH Bilduk eta ERCk gustukoen duten presidenteak bere etsaia Albert Rivera dela erabakitzen duenean", esan du Arrimadasek.
Bestalde, Pablo Iglesias Podemoseko idazkari nagusiak Nafarroako kideak zoriondu ditu, koalizio gobernua osatzeko lortu duten akordioagatik, eta PSOEri ondorengo mezua bidali dio: "Denborarekin eta beste aldean dagoena errespetatuz negoziatzen denean, erantzukizunak partekatu daitezke".
Pedro Sanchezen inbestidura
Ciudadanoseko bozeramailearen iritziz, hautagai sozialistaren inbestidura saioan Albert Rivera izan zen Sanchezen hitzaldiari “erantzun onenak” eman zizkion diputatua. "Ba al dakizue nor atera zen inbestituta saio horretatik? Albert Rivera, oposizioko buru gisa ", esan du Arrimadasek.
Halaber, PPko Gizarte Politikako idazkariordeak esan du Pedro Sanchezek bi inbestiduratan egin duela porrot, eta espainiarrei barkamena eskatzeko eskatu dio, azken egun hauetako "ikuskizun lotsagarria" dela eta.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.