Pedro Sanchez eta Andoni Ortuzar gaur bilduko dira, Madrilen
Pedro Sanchez PSOEko idazkari nagusia eta Andoni Ortuzar EAJko burua gaur, asteazkena, bilduko dira inbestiduraz hitz egiteko.
EAJk sare sozialen bidez jakinarazi duenez, batzarra Madrilen egingo dute, PSOEren egoitza nagusian, 18:00etatik aurrera. Bilera horretan, Idoia Mendia eta Aitor Esteban ere egongo dira.
Aurreko egunetan PSOEk iragarri zuen Podemosekin harremanetan jarriko dela, Sanchez Pablo Iglesiasekin bildu aurretik. Halaber, ERCrekin eta Kantabriako Alderdi Erregionalistarekin ere batzartuko dira sozialistak gaur goizean. Uztaileko inbestidura saioan azken alderdi horren babesa soilik lortu zuen Sanchezek.
PSOEk EAJrekin biltzeko asmoa zeukala publikoki adierazi bazuen ere, astelehenera arte ez zuten zehaztu data, eta horrek jeltzaleen haserrea eragin zuen.
Bestalde, Alderdi Sozialistak ohartarazi du Espainiako Gobernuko presidente izateko babes nahikoa ziurtatuta badauka soilik aurkeztuko dela Sanchez inbestidura-saiora.
Gobernua osatzeko epea hilaren 23an amaituko da. Ordurako gobernurik ez badago, azaroaren 10ean hauteskunde orokorrak errepikatuko dira.
"Elkar ulertzeko" eskatu dio Lastrak Podemosi
Bestalde, aurreko legealdian bezala, ezkerreko alderdiak elkar ulertzen badakitela erakusteko eskatu dio Adriana Lastra PSOEko bozeramaileak Unidas Podemosi, “ez baitago inolako arrazoirik hauteskundeak errepikatu behar izateko”.
Hala, gaizki egindakoak aurpegiratzeak ez duela ekarpenik egiten nabarmendu du Lastrak. Testuinguru horretan, Unidas Podemosekin “desadostasunak” izan dituztela aitortu du, baina “elkar ulertzeko” deia egin die. “Elkar ulertzen jakin izan genuen. Egin dezagun berriro”, esan du.
Lastrak uko egin dio eskaintza horri buruzko xehetasunak zehazteari, azaldu duenez, logikoena baita lehenik eta behin Unidas Podemosekin hitz egitea. Hori bai, argi utzi du alderdi sozialistak ez duela inolaz ere uztailean egin zuen koalizio gobernua osatzeko proposamena berriro egingo.
Eh Bilduk ez du aurreratu bere botoaren zentzua
Mertxe Aizpurua EH Bilduko bozeramaileak ez du aurreratu nahi izan zein izan litekeen bere alderdiaren botoaren zentzua Pedro Sanchezen balizko inbestidura saioan, baina eskuinari bidea ixteko ahal duten guztia egingo dutela azpimarratu du.
"Uztailean geunden egoera berean gaude. Eskuinari bidea ixtea da gure asmoa, eta, gure esku dagoen bitartean, eskuinak ez du gobernatuko", adierazi du Aizpuruak Kongresuan. Dena dela, ez du argitu koalizio abertzaleak abstentzioaren edo baiezkoaren alde egingo ote duen.
Nolanahi ere, sozialisten programa kritikatu du, bere ustez, "marketin estrategia bat" baino ez delako, alegia, "PSOEk bete gabe dituen promesen bilduma", eta aurrera ateratzeko "aukera gutxi" dituela uste du.
Horrez gain, 370 proposamen horietan Sanchezek ez duela Euskadi aipatu deitoratu du, eta PSOEk ezker abertzaleko koalizioa “gutxiesten” jarraitzen duela salatu du, “EH Bilduren lau diputatuak gobernu aurrerakoia osatzeko erabakigarriak diren arren".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.