Sanchezek erdibideko akordio bat eskaini dio Iglesiasi, garaile eta galtzaile gabekoa
Negoziazioan "erdibideko konponbide bat" onartzeko deia egin dio ostegun honetan Pedro Sanchez Espainiako Gobernuko jarduneko presidenteak Pablo Iglesias Unidas Podemoseko buruari. Hain zuzen ere, bi alderdi horietako talde negoziatzaileek gaur arratsaldean hitz egingo dute berriro, inbestidurari buruz.
Sanchezek azpimarratu du "negoziatzen jakitea negoziatu nahi izatea" dela, eta negoziazio on bat "aurkako jarreren arteko erdibideko irtenbide batekin" amaitzen dela. Kasu horretan, Iglesiasek exijitzen duen koalizio gobernuaren eta PSOEk bakarrik gobernatzeko hasieratik defendatu duen formularen arteko erdibidearekin.
Iragan asteartean, Sanchezek hirugarren aukera bat proposatu zion: Gobernuz kanpoko goi-karguak eskaini zizkion Podemosi. Eskaintza hori, baina, gaurko bileran zehaztuko dute.
Bestalde, Nadia Calviño Ekonomiako ministroa aurkeztu eta hark negoziatzeko duen gaitasuna nabarmendu du Espainiako presidenteak, gaur egun dohain hori nahitaezkoa dela iritzita. Izan ere, Sanchezen hitzetan, "irtenbideak ematen dituen politika da politikarik baliagarriena".
Bukatzeko, "irainetan" oinarritutako egungo politikarekin bukatzeko beharrizana azpimarratu du, "PSOEko edo Gobernuko emakumeekin sarritan gertatzen delako". Bereziki, Bibiana Aido eta Leire Pajin ministro ohien kasuak izan ditu gogoan, baina Irene Monterorekin (Podemos) jazotakoa ere aipatu du. Azken horri zorionak eman dizkio, Federico Jimenez Losantosen aurka irain matxistengatik abiatutako auzia irabazi duelako.
Zure interesekoa izan daiteke
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.