Beltran de Herediak prebentzioa aldarrikatu du erradikalizazioari aurre egiteko
Estefania Beltran de Heredia Eusko Jaurlaritzako Segurtasun sailburuak prebentzioa aldarrikatu du erradikalizazioaren eta terrorismoaren mehatxuei aurre egiteko. Haren esanetan, polizia jazarpena eta babes neurri eraginkorrak ezinbestekoak badira ere, batez ere prebentzio politiken bidez egin behar zaie aurre arrisku horiei. "Polizia prebentzioa eta prebentzio soziala, mehatxu edo indarkeria terrorista bihur daitezkeen erradikalizazio prozesuak gerta ez daitezen edo, gertatzen badira ere, arriskuak ahalik eta gehien minimiza daitezen", gaineratu du.
Gaur hasi eta ostiralera bitartean Irungo Ficoban egingo den Terrorismo Jihadistaren Nazioarteko I. Kongresuan parte hartu du Beltran de Heredia sailburuak. Biltzarraren helburua, besteak beste, terrorismo jihadistaren aurka borroka egiteko eta erradikalizazio prozesuak eragozteko egiten den lana publikoki erakustea da.
Segurtasun sailburuak azpimarratu duenez, Ertzaintzak 2014an jarri zuen abian islamismo erradikalaren aurkako plan estrategikoa. Haren hitzetan, terrorismo islamikoa ez da urrutiko gatazketara mugatzen den nazioarteko auzi bat: "Azken hamarkadak agerian utzi du Europa ez dagoela mehatxu horretatik salbu".
Gaur-gaurkoz, Espainiak laugarren alerta mailari eusten dio, atentatu arriskua tarteko. Beltran de Herediaren esanetan, Euskal Autonomia Erkidegoaren kasuan arriskua "espezifikoa eta zehatza" ez bada ere, Ertzaintzak Europako poliziekin partekatzen duen kezka bat da.
Segurtasun Sailaren izenean, sailburuarekin batera Irunen izan dira Josu Zubiaga Segurtasun sailburuordea, Gervasio Gabirondo Ertzaintzaren zuzendaria, Josu Bujanda Ertzaintzaren burua eta Jon Ziarsolo Inteligentzia Bulego Nagusiko burua.
Eusko Jaurlaritzaren izenean, Giza Eskubide, Bizikidetza eta Lankidetza idazkariak eta Monika Hernando Biktimen eta Giza Eskubideen zuzendariak ere parte hartu dute. Halaber, kongresuaren hirugarren eta azken egunean, hilaren 13an, Iñigo Urkullu lehendakariak parte hartuko du bertan.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.