EAEko herritarren % 64k apirilean emandako botoari eutsiko liokete azaroaren 10ean
EAEko herritarren % 64,6k apirilaren 28ko hauteskundeetan emandako botoari eutsiko liokete azaroaren 10eko orokorretan, hauteskunde horien gaineko EiTB Focus inkestaren bigarren emanaldiaren arabera. Hautesleen % 12,8k, aldiz, aurreikusita izango lukete boza aldatzea, eta beste alderdiren bati ematea babesa.
Gainera, EAEko hautesleek apirilaren 28an bozkatutakoa kontuan izanik, EAJren eta EH Bilduren boto-emaileen % 88k baino gehiagok alderdi beraren alde egingo lukete orain; Elkarrekin Podemosen boto-txartela aukeratu zutenen artean, aldiz, % 13k baino gehiagok PSE-EEri emango liokete botoa azaroan. Hain zuzen ere, PSOEk eta Unidas Podemosek osatutako gobernu koalizioa izango litzateke gustukoena EAEko herritarrentzat, azaroko hauteskundeen ostean.
Fideltasuna ala boto-aldaketa
EiTB Focusen hamabosgarren inkestaren bigarren emanaldiaren arabera, Euskadiko herritarren % 64,6k aurreikusita izango lukete apirilaren 28ko hauteskundeetan emandako botoari eustea. Hautesleen % 12,8k, berriz, beste alderdiren bati emango liokete babesa. Lehen emanaldiaren arabera, EAJ izango litzateke lehen indarra EAEn azaroaren 10ean.
EiTB Focusek alderdi bakoitzaren boto-emaileek azaroaren 10ari begira izango luketen asmoa ere jasotzen du; hau da, alderdi bakoitzaren hautesleek botoa alderdi berari ematea edo, aldiz, beste baten alde egitea aurreikusten duten.
Horrela, EAJk apirilean lortutako boto-emaileen % 88,3k berriro ere emango liekete orain botoa jeltzaleei. Inkestaren arabera, EAJren alde egin zutenen % 2,2k PSE-EEri emango liokete babesa azaroan.
PSE-EEren boto-emaileen % 76,0k diote alderdi horren aldeko botoari eutsiko lioketela azaroaren 10ean; boto-emaile horien % 3,0k, aldiz, EAJri emango liokete boza. EiTB Focusen lehen emanaldiaren arabera, PSE-EE izango litzateke EAEn bigarren indar politikoa A10ean.
EH Bilduri dagokionez, koalizio horren alde egin zutenen % 88,1ek errepikatuko lukete boza hurrengo hauteskundeetan; horien % 1,8k esan dute EAJri emango lioketela babesa.
EiTB Focusen arabera, Elkarrekin Podemosen boto-emaileen artean gehiago dira boza aldatzeko asmoa dutenak gainerako alderdien hautesleen artean baino; izan ere, apirilean Elkarrekin Podemosi babesa eman ziotenen % 53,2k hautaketa hori bera egingo lukete orain, eta % 13,7k, aldiz, PSE-EEren alde egingo lukete. Apirileko boto-emaileen % 22,6k ez dute erabakita zein alderdiri emango dioten botoa orain.
Azaroaren 10eko hauteskundeen osteko balizko gobernu koalizioen gainean, EAEko herritarren % 24,2k nahiago lukete Gobernua PSOEk eta Unidas Podemosek osatzea, eta galdetutakoen % 8,9k nahiago lukete koalizio horretan EAJ ere egotea.
Fitxa teknikoa
EAEn bizi diren 1.200 pertsona (Araban 400, Bizkaian 400, Gipuzkoan 400).
La= ±% 2,83, konfiantza-maila % 95, p=q=0´5, EAEko datuetarako.
Lurralde, udalerri, sexu eta adinaren arabera geruzatutako zorizko lagina.
Inkesten % 26,2 euskaraz egin dira, eta gainerako % 73,8a, gaztelaniaz.
Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2019ko irailaren 20tik 23ra bitartean egin zuten telefonoz elkarrizketak eginez.
Galdeketa motzenak 2 minutu iraun zuen, eta luzeenak 9.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.