Sektore soberanisten eta progresisten 'batasuna' osatzera deitu du Otegik
"Katalunia, Galizia eta Euskal Herriko soberanismoari, sektore errepublikarrei eta sektore aurrerakoiei batasun" bat osatzeko deia egin die Arnaldo Otegi EH Bilduko koordinatzaile nagusiak. "Eskuinari aurre egiteko gutxieneko gobernu programa bat eraikitzea" planteatu du, Espainiako Estatuan "kalitate demokratikoko eredu bat ezarri ahal izateko".
Espainiako Estatua "krisi larrian murgildurik" dagoela errepikatu du Otegik Zarautzen (Gipuzkoa). Koalizioko buruzagiaren ahotan, Estatua "areagotzen ari den krisi horren osagai berriei aurre egiteko prestatzeko saiakeran ari da". Zentzu horretan, "bi osagai horiek Kataluniako epaia eta krisi ekonomiko berri bat izango dira", ohartarazi du.
"Krisia dagoelako izango dira hauteskundeak, 78ko Erregimenaren krisi larri bat dagoelako", nabarmendu du. "Hitzemandakoa bete du" EH Bilduk, goraipatu duenez, "autoritarismoari eta eskuinari 'stop' handi bat" jartzen saiatu da.
"Eskuinekoa izango ez zen Gobernu bat osatzeko aukera eman genion Estatuari, baina Madrilen egin genuen, Nafarroan egin dugu eta baita udal batzuetan ere, Biasterin esaterako, eskuina gelditu dugu gobernatu ez dezan", gogorarazi du.
Otegiren hitzetan, EH Bilduk "gutxieneko programa zintzo bat" defendatzen du, "kalitatezko demokrazia batean sakontzea bilatzen dugulako, Espainiako Estatuak ez baitu halakorik". "Soberanista guztiei" batasunerako deia egin die.
"Espainia estatu plurinazionala da, euskal herritarrak nazioa gara, kataluniarrak nazioa dira eta, ondorioz, Espainiako Estatuaren krisiari konponbiderik ez dago izaera plurinazional horrenganako errespetua argi eta garbi planteatzen ez baldin badute", adierazi du.
"Herrien autodeterminazio eskubidea", "Espainiako Estatuan diren preso politiko guztien askatasuna" eta "gizarte politika aurreratuak, aurrerakoiak, oligarkiaren aurkako politika ekonomikoak" proposatzen ditu EH Bilduk bere programan, azaldu duenez.
"Krisi ekonomiko berri baten edo aurreko krisiaren areagotze baten atarian gaude", ohartarazi du Otegik. "Batzuek bere egiten duten oasi honetan, krisiari aurrea hartu behar diogu eta zerga zein aurrekontu mekanismoak martxan jarri jendea defendatu ahal izateko", gaineratu du.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.