Nafarroako Gobernuak errespetua agertu du Altsasuko auziaren epaiaren aurrean

Nafarroako Gobernuak "erabateko errespetua" agertu du Espainiako Auzitegi Gorenak Altsasuko auzian eman berri duen epaiaren harira. Altsasuko gazteei urtebete eta erdi eta bederatzi urte eta sei hilabete arteko kartzela-zigorrak ezarri dizkie.  

Javier Remirez Foru Gobernuko presidenteordeak, halaber, bizikidetzaren alde lan egiteko deia egin du.

Nafarroako Gobernua osatzen duten alderdien artean auzi honen inguruko iritzi ezberdinak daudela onartuta, Remirezek esan du Gobernuak ebazpen judizial guztiak errespetatzen dituela, eta balorazio politikoak egitea alderdi politikoei dagokiela.