Iristear den sententziaren aurkako protestak hasi dira Katalunian
Kataluniako independentzia prozesuaren epaiketaren sententzia ezagutzeko ordu gutxi falta direla, herritarrak hasi dira kalera ateratzen. Picnic Per Republica plataformak deituta, eserialdia egin dute gaur goizean Bartzelonako Santseko geltokian, 10:00etan hasita.
Esquadra Mossoen eta Polizia Nazionalaren dispositibo zabala joan da bertara, eta protestan ari ziren herritarrak banan-banan ateratzen hasi dira geltokiaren barrutik. Tentsio uneak bai, baina modu baketsuan egin dute protesta, auzipetuen askatasuna aldarrikatuz.
Geltokiaren kanpoaldean jarraitu dute protestarekin independentistek, eta handik Espainia plazara joan dira manifestazioan. Kale Nagusia ibilgailuentzat itxita egon da tarte batean. 14:30 inguruan amaitutzat eman dute protesta.
Pertsona bat atxilotu dute, "agente bati eraso egitea egotzita". Esquadra Mossoek jakitera eman dutenez, atxilotutakoa ez da Picnic Per Republica plataformako kidea.
Filtrazioak
Sedizioa eta diru publikoak bidegabe erabiltzea egotzita, Kataluniako buruzagi independentistak zigortzea erabaki dute epaileek, azken orduetan hainbat komunikabidetan izandako filtrazioen arabera. Gauzak horrela, matxinada delitua baztertuko lukete epaileek.
Iturri judizialak aipatuta, EFE albiste-agentziak jakitera eman duenez, Auzitegi Goreneko Zigor Aretoko zazpi epaileek erabakita zeukaten epaia astelehen honetan zabaltzea, baina orain litekeena da hori atzeratzea.
Espetxe-zigorrak zeintzuk izango diren jakiteke dago, baina dirudienez, epaileek adostu dute matxinada delituagatik akusatuak zigortzeko baldintza nahikoak ez direla betetzen.
Jordi Sanchez ANCko presidente ohiaren, eta Jordi Turull eta Josep Rull Generalitateko kontseilari izandakoen abokatuek, jada, iragarri dute filtrazioen kontrako salaketa jartzea aztertzen ari direla Botere Judizialaren Kontseilu Nagusian.
Albiste gehiago politika
Montororen abokatu-bulegoak dirua desbideratzeko "sozietate sare" bat sortu ote zuen ikertzen ari da epailea
Mossoek 2019an egindako txosten baten arabera, Equipo Economicok 3,9 milioi euro fakturatu zizkion Abengoa taldeari, ia 300 000 euro Ferroviali, eta 1,8 milioi euro Madrid Networki. Gainera, politikari eta pertsona ezagunei buruzko (Rato, Pujol, Rafa Nadal, Esperanza Aguirre..) Zerga Agentziaren datu babestuak lortu omen zituen Montorok.
Albaresek "geroratze-taktikak" ikusten ditu EBn euskararen ofizialtasunari buruzko erabakia berriro atzeratzean
"Hori eragotz dezakeen argudio teknikorik ez dagoela jakinda, atzean arrazoi politikoak ez ote diren galdetzen hasi naiz, baina lehenago edo geroago, inolako zalantzarik gabe, gaindituko ditugu", adierazi du Atzerri ministroak Radio Euskadin egindako elkarrizketan.
Tortura delituaren definizioa nazioarteko estandarretara egokitzeko eskatu dio NBEko Giza Eskubideen Batzordeak Espainiako Estatuari
Alde horretatik, Batzordeak mekanismo independente bat eratzea eskatu du, segurtasun-indarren tortura- eta tratu txar-salaketa guztiak ikertzeko, eta deitoratu du delitu horrek 15 urterekin preskribatzea.
Busturialdea-Urdaibai eskualdeak 303,4 milioi euroko inbertsioa jasoko du
Eskualdeko ekonomia-, gizarte- eta hiri-garapena sustatzen duten hainbat proiektu garatuko dira. Autzagane-Muxika errepidea hobetzea eta Bermeoren eta Muxikaren arteko bidegorri-sarea handitzea dira horietako batzuk.
Ibone Bengoetxea: "Europa ezin da eraiki bere aniztasuna ukatuz"
Ibone Bengoetxea lehendakariorde eta Kultura eta Hizkuntza Politikako sailburuak azpimarratu du euskara hizkuntza bizia dela, euskal herritarrena eta Europako ondarearen zati bat, eta gogorarazi du Europa ezin dela eraiki bere aniztasuna ukatuz. Hala, berretsi du Europan euskararen ofizialtasuna lortzeko Jaurlaritzak esparru guztietan lan egiten jarraitzeko borondate irmoa duela, eta inplikatutako erakunde guztien ahalegin diplomatikoa eskertu du.
Europar Batasuneko herrialdeek katalanaren, euskararen eta galizieraren ofizialtasunari buruzko bozketa atzeratu dute
Hainbat herrialdek adierazi dutenez, "oraindik ez da une egokia" hizkuntzen ofizialtasuna onartzeko, eta alderdi politiko, ekonomiko eta juridikoei buruzko zehaztasun gehiago eskatu dute.
Burgos-Gasteiz abiadura handiko trenaren aurreneko zatiaren eraikuntza esleitu dute
Azpiegitura horrek abiadura handiko sarearekin eta Atlantikoko korridorearekin lotuko du Euskal Autonomia Erkidegoa (EAE). Halaber, Arkauteko lotunea eraikitzeko proiektuaren idazketa esleitu da ere bai.
Ultraeskuinaren gorakadak eskatzen du “erreakzio nazional handi bat” eta agenda kontrajarria mahai gainean jartzea, Otxandianoren arabera
Pello Otxandiano EH Bilduko Legebiltzarreko bozeramailearen iritziz, ultraeskuina borroka kulturala irabazten ari da eta horren aurrean "erreakzionatu" egin behar da, eta "agenda erreakzionario" horri agenda "demokratizatzailea, ezkerrekoa" kontrajarri.
Cristobal Montoro inputatuta dagoen ustelkeria sarearen gakoak: komisioak gas-enpresei laguntzeko legeen truke
Orduko Ogasun ministroak sortutako abokatu bulegoak "influentzia sare" bat sortu zuen, ustez, dirua biltzeko, gutxienez bost konpainiaren interesen aldeko legeak egitearen truke.
Albiste izango dira: Euskararen ofizialtasuna Europan, indarkeria matxistaren erradiografia eta Donostiako Jazzaldia
Gaurkoan albiste izango direnen laburpena, bi hitzetan.