51 atxilotu eta 125 zauritu Katalunian, astearte gauean izandako istiluetan
51 pertsona atxilotu dituzte bart Katalunian, proces auziaren epaia salatzeko egin den bigarren protesta egunean. Deialdi baketsua zegoen deituta, baina berehala hasi dira istiluak, Bartzelona erdigunean bereziki. Gracia pasealekuan, ehunka sute piztu dituzte, eta aurrez aurreko istilu gogorrak izan dira manifestari eta polizien artean. Esquadra Mossoek jakitera eman dutenez, Tarragonan (14), eta Lleidan (8) eta Bartzelonan (29) egin dituzte atxiloketak.
Gainera, 125 pertsona zauritu dira buruzagi independentisten aurkako epaia salatzeko protestetan. Kataluniako larrialdietarako zerbitzuaren arabera, Bartzelonan (74), Lleidan (15), Gurben (14), Tarragonan (11), Gironan (7), Sabadellen (2) eta Molleten (2) artatu dituzte zaurituak.
Zaurituetako 18 lekuan bertan artatu dituzte, 7 osasun zentroetara eraman dituzte eta 30 osasun zentroetan geratu dira, azterketa medikoaren zain.
Istiluak Bartzelonako erdigunean. Argazkia: EFE
Espainiako Gobernuak "segurtasuna bermatu" nahi du
Testuinguru horretan, Katalunian "segurtasuna bermatzeko konpromisoa" azpimarratu du Espainiako Gobernuak, eta, salatu duenez, "bizikidetza hausteko ekintza koordinatuak dira".
Gaur gauean kaleratutako agiri batean, Espainiako jarduneko Gobernuak ez du ekintza berezirik aipatu, baina segurtasun indarren arteko elkarlana azpimarratu, eta Esquadra Mossoen, Espainiako Poliziaren eta Guardia Zibilaren arteko koordinazioa goraipatu du.
Gainera, oposizioko alderdi politikoekin batera "irmotasunez, proportzionaltasunez eta batasunez" jokatuko duela iragarri du.
"Gutxiengo batek bortizkeria inposatu nahi du Kataluniako zenbait hiritako kaleetan, bereziki Bartzelonan, Tarragonan, Gironan eta Lleidan", esan du Espainiako jarduneko Gobernuak oharraren hasieran, eta gauean izandako "protesta guztietan" istiluak izan direla adierazi du.
Halaber, "indarkeria erabili duten talde batzuek" Espainiako Gobernuak Tarragonan, Gironan eta Lleidan dituen ordezkaritzen egoitzei eraso dietela azpimarratu du Exekutiboak, eta Kataluniako beste herri batzuetan ere "kalteak eta ekintza bandalikoak" izan direla jakinarazi du. Beraz, "agerikoa da honakoa ez dela mugimendu baketsu bat", eta "elkarbizitza haustea helburu duten ekintza koordinatuak dira", esan du.
"Espainiako Gobernuaren helburua Katalunian segurtasuna eta bizikidetza bermatzea da eta izango da beti, eta irmotasun, proportzionaltasun eta batasun konpromisoa betez egingo du, beharrezkoa bada", Gobernuaren mezuaren arabera.
Istiluak Bartzelonako erdigunean. Argazkia: EFE
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.