EAk errefusatu egin du Ramirezen helegitea, eta Blanco izendatuko du idazkari nagusi
Eusko Alkartasunaren Hauteskunde Batzordeak atzera bota du Maiorga Ramirezek bere hautagaitza baliogabetzearen aurka jarritako helegitea, eta iragarri du urriaren 28an Eba Blanco hautagai ofizialista izendatuko duela idazkari nagusi.
Hauteskunde Batzordeak bilera egin zuen atzo, eta kaleratutako ebazpenean errefusatu egin zuen Maiorga Ramirez sektore kritikoaren ordezkariak aurkeztutako helegitea. Ondorioz, hautagaitzaren baliogabetzea berretsi zuen.
Ramirezek 400 abal aurkeztu zituen, eta Eba Blancok, 60.
Hauteskunde Batzordeak, Pello Urizarrek dimisioa eman zuenetik Julen Gezuraga buru duen sektore ofizialaren esku dagoenak, gutun bat bidali die alderdikideei Ramirezen hautagaitzaren baliogabetzea azaltzeko, eta atzokoan aurkeztutako alegazio guztiak aztertu zituztela esatera mugatu da, Ramirezen helegitea aipatu ere egin gabe.
Batzordeak aurreko astean esandakoa berretsi du, hau da, Ramirezek Ipar Euskal Herritik aurkeztutako bi abalak ez direla nahikoa, araudiak lurralde bakoitzeko 5 aurkeztu behar direla esaten duelako.
Sektore kritikoak gogor kritikatu du EAren zuzendaritza nazionalaren jarrera, "alderdikideen erabakia lapurtzea" egotzita.
Ramirezen sektoreak agiri batean azaldu duenez, Hauteskunde Batzordeak helegitea atzera botatzeko eman duen ebazpena "zentzugabea" da, sinetsi egiten duelako Ipar Euskal Herriko militanteen errolda "epea amaitu baino lau ordu lehenago taberna bateko iragarki taulan jarri zutela".
Ramirezek iragarri du orain EAren Berme Batzordera joko duela eta "bide guztiak" jorratuko dituela "alderdikideei hitza itzultzeko".
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.