EAko Hauteskunde Batzordeak Maiorga Ramirezen hautagaitza baliogabetu du
Eusko Alkartasunak (EA) urriaren 25ean egingo ditu idazkari nagusi berria aukeratzeko hauteskunde primarioak, eta Hauteskunde Antolaketa Batzordeak Eba Blancoren hautagaitza onartu du bakarrik, izan ere, Maiorga Ramirez Nafarroako EAko buruzagi eta EH Bilduko parlamentariak “ez du lurralde bakoitzeko gutxienez bost abal lortzeko baldintza bete”.
Hauteskunde Antolaketa Batzordeak agiri bat kaleratu du hautagaiek aurkeztutako txostenak aztertu ostean, eta, idatzi horretan nabarmendu duenez, “hautagai guztiek lurralde bakoitzeko hauteskunde-erroldetara jotzeko aukera izan dute bost egunez, eta inoiz ez zaie sarbidea ukatu”.
Hala, hautagai guztiek aurkeztutako abal guztiak aztertuta, Maiorga Ramirezek ez dituela abalen inguruko baldintza guztiak bete ebatzi du Hauteskunde Antolaketa Batzordeak, “ez duelako gutxieneko kopurua lortu lurralde guztietan".
Zehazki, Ramirezek aurkeztu dituen 400 abaletatik 21 ez dira baliagarriak, ondorengo irregulartasunak atzeman baitituzte: “nortasun agiririk aurkeztu ez duten hiru, kuotak ordaindu gabe dituzten bost, EAko hauteskunde-erroldan ageri ez diren hiru, aurkeztutako NANarekin bat ez datozen bikoiztutako lau, babesten duten hautagaia zehaztu ez duten bi, epez kanpo aurkeztutako bi eta emandako ustezko babesa zehazten ez duen bat".
Gainera, Hauteskunde Batzordeak jakinarazi duenez, bi hautagai ezberdin abalatu dituzten kasuak antzeman dituzte, “eta, ondorioz, horiek ez dira onartu”.
Abalen zenbaketa amaituta, Hauteskunde Batzordeak hauteskunde primarioetarako onartu duen hautagai bakarraren berri eman du: Eba Blanco de Angulo. “Hautagai bakoitzak hauteskunde-erroldan izena emanda dauden pertsonen 50 abal edo gehiago aurkeztu behar ditu, eta, lurralde bakoitzetik bost, gutxienez. Eba Blancok bakarrik lortu du hori”, azpimarratu du Hauteskunde Batzordeak.
Helegitea aurkeztuko duela iragarri du Ramirezek
Erabaki horren aurrean, batzorde horretako kide guztiak Blancoren aldekoak direla salatu du Maiorga Ramirezek.
Ohar batean azpimarratu duenez, gertatutakoa “zentzugabea“ da, eta “berehalako helegitea” aurkeztuko duela iragarri du EAko Berme Batzordearen aurrean eta Hauteskunde Batzordean bertan.
Maiorga Ramirezen ustez, egoera hori "benetako eskandalua" da, eta Eusko Alkartasunaren afiliazioaren "parte-hartze eskubidea ukatzea baino ez du helburu". "Alderdiko idazkari nagusi Eba Blanco automatikoki izendatzean, 400 militante baino gehiago baztertu dira hauteskunde prozesutik", salatu du Ramirezek.
Testuinguru horretan, Blancori "erabat irregularra" den egoera kudeatzea egokituko zaiola esan du Ramirezek, eta Blancok baino sei aldiz abal gehiago aurkeztu dituela nabarmendu du.
Gauzak horrela, “aurrekaririk gabeko gehiegikeria” dela salatu du Ramirezek, eta lehen instantzian, erabakiaren aurkako helegitea Berme Batzordearen aurrean eta Hauteskunde Antolaketa Batzordean aurkeztuko duela iragarri du.
Zure interesekoa izan daiteke
Aurrekontuak onartu ezean, hauteskundeak deitzea eskatu dio EAJk Sanchezi
Jeltzaleek gehiengo parlamentarioa galdu izana leporatu diote Gobernuari, eta Sanchezek esan du alderdiekin negoziatuko duela kontuak aurrera ateratzeko.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Gizon bat atxilotu dute Enrique Maya Iruñeko alkate ohiari egindako erasoarekin lotura duelakoan
Joan den ekainaren 9an, Iruñeko alkate ohia iraindu eta kolpatu zuten Estafeta kalean, baina ez zen zauritu. Mayak gertakaria salatu egin zuen, eta ustezko egilea atxilotu dute orain, segurtasun-kamerak aztertu ondotik.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, bere errugabetasuna berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.
Zapaterok bitxiengatik ere deklaratuko du asteazken honetan, Calama epaileak atzeratzea ukatu ostean
Espainiako gobernuburu ohiaren defentsak atzerapena eskatu zion Calama epaileari, gutxienez 1,3 milioi euroko balioa duten bitxien jatorriari buruzko dokumentazioa biltzeko denbora gehiago edukitzeko. Ferrazko bere bulegoan aurkitutako bitxiengatik kontrabando eta zerga delituak leporatu dizkio.