Junqueras: 'Gehiengo zabalagoak behar dira erreferendum bat eraginkorra izateko'
Auzitegi Gorenak 'proces' auziari buruz emandako epaiaren aurka Katalunian egindako protestei buruz hitz egin du astearte honetan Oriol Junqueras ERCko buruak, eta, bere iritziz, "edukiontzi bat erretzea ez da doktoretza bat egitea baino baliagarriagoa".
"Edonork erre dezake edukiontzi bat, eta norbaitek zure kontra egitea ere suerta daiteke. Gehiengo zabalagoekin demokratikoki irabaztea beharrezkoa da", azpimarratu du Junquerasek, Kataluniako Nacio Digital egunkarian egindako elkarrizketa batean.
Junquerasen ustez, "beste ideia batzuk dituzten herritarrak ulertzea eta gizarteko eta unibertsitateko esparruetatik independentziaren alde lan egitea edukiontziak erretzea baino baliagarriagoa da". Ildo horretatik, erreferendum baten alde agertu da, "gehiengo zabalagoak daudenean, betiere, hori eraginkorra izateko".
Poliziak Kataluniako istiluetan izandako jarreraren inguruan galdetuta, polizia "gehienek" lan ona egin dutela esan du, baina batzuk ez direla ondo aritu ziurtatu du.
"Ez zait batere gustatu egunotan ikusi dudana. Protestekin zerikusia ez duten oinezkoak ere kolpatu dituzte. Hori egia izango ez balitz, ez litzateke horri buruzko hainbeste irudi egongo, ezta karga polizialak jasan dituzten 60 kazetari ere", gaineratu du ERCko buruak.
Torra herritar guztientzat gobernatzen ari ote den galdetuta, hauxe erantzun du: "Hori egiteko betebeharra du, eta, bere jarduera zalantzan jarriz gero, susmo hori gezurra dela frogatzeko beharra du. Nik ez dut inolako zalantzarik".
Hauteskundeak Katalunian
Bestalde, Katalunian hauteskundeak errepikatzeko aukeraren inguruan galdetuta, Junquerasek esan du beti dela une egokia herritarrek iritzia eman dezaten.
Halaber, Pere Aragones Generalitateko presidenteordea presidentegai izateko "oso kualifikatuta" dagoela nabarmendu du ERCko buruak, eta erantzukizun hori "eta beste asko" bere gain hartzeko trebatuta dagoela esan du.
Gorenak jarri dion 13 urteko kartzela zigorraz galdetuta, "ez nau harritu, eta harro nago hautetsontziak jartzeagatik hemen (espetxean) egoteaz", azaldu du.
Indultua eskatzeko aukeraz, berriz, honakoa adierazi du: "Nahi duten lekutik sar dezakete".
Zure interesekoa izan daiteke
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.