Sanchez eta Cuixart 'berehala askatzeko' eskatu du Amnistia Internazionalak
Amnistia Internazionala erakundeak txosten bat kaleratu du gaur, asteartea, eta bertan, zalantzan jarri ditu Kataluniako politikari eta buruzagi independentistei 'proces' auziagatik ezarritako zigorrak. Ildo horretatik, Espainiako Zigor Kodean aurreikusitako sedizio delituaren definizioa "oso orokorra" dela esan du, eta "horrek interpretazio zabalegia eta arriskutsua" ahalbidetzen duela gaineratu du.
"Epaiketa behatu eta epaia arreta handiz irakurri ondoren", giza eskubideen aldeko erakundeak bere kezka agertu du "Espainiako legediak sedizio delituaren inguruan egiten duen definizioagatik eta Auzitegi Gorenak egin duen interpretazioagatik". Izan ere, erakundearen iritziz, ebazpen horrek legezkotasun-printzipioa urratzen du, eta neurrigabeko zigorrak ezartzea ahalbidetzen du, lege bat urratzea ekar lezaketen jokabideak izan badaitezke ere, adierazpen askatasunaren eta bilera baketsuaren eskubideen babespean egon daitezke.
Testuinguru horretan, Jordi Sanchez eta Jordi Cuixart ANC eta Omnium elkarteetako presidenteak espetxera bidali izana giza eskubideek bermatutako protesta baketsua egiteko aukera neurriz kanpo murriztea dela uste du erakundeak. Dena dela, Amnistia Internazionalak ez du arrazoirik aurkitu Kataluniako buruzagien aurka burututako prozesu judizialak epaiketa justu baten bermeak urratu dituela esateko.
Erakundearen iritziz, "sedizio delitua oso modu orokorrean" jasota dago Espainiako Zigor Kodean, eta Giza Eskubideen Europako Hitzarmenaren 7. artikuluan jasotako legezkotasun-printzipioa urratzen du. Kasu horretan, gainera, "bereziki garrantzitsua da Auzitegi Gorenak emandako interpretazioa, sedizio delitua aplikatzen den lehen aldia baita".
"Legezkotasun-printzipioa betetzeko, jokabide penal oro argi eta garbi zehaztuta egon behar da, delitu horregatik aurreikusitako zigorra aurreikusteko modukoa izan dadin. Aurreikusteak esan nahi du pertsonek jakin ahal izango dutela zein ekintza egingo dituzten penalki erantzule, eta zein zigor ezarriko dieten", adierazi du Amnistia Internazionalak.
"Espainiako legedian sedizio delituaren definizioaren argitasun faltak aukera ematen du adierazpen askatasunerako eta bilera baketsua egiteko eskubideei bidegabeko murrizketak ezartzeko, giza eskubideen nazioarteko zuzenbideak babesten dituen indarkeriarik gabeko ekintza zuzenen kriminalizazioa baimenduz. Ordena publikoaren aurkako beste delituek ez bezala, sedizioak ez du esplizituki indarkeria erabiltzea edo mehatxatzea jasotzen", adierazi du erakundeak.
Era berean, Amnistia Internazionalak ez du Tribunalaren baieztapenarekin bat egiten: "2017ko irailaren 20ko eta urriaren 1eko ekintzak manifestazio baketsu eta legitimotik urrun egon ziren”.
Halaber, erakundeak agindu judizial bat modu baketsuan galarazteak bilera baketsua egitea baimentzen duen eskubideari zenbait murrizketa ezartzea justifika lezakeela azpimarratu du eta erakundearen iritziz, auzitegiak sedizio-delitua aplikatzea zein zigor penalak ezartzea, aurreikusteko moduko neurriak, beharrezkoak eta proportzionalak direla, frogatzean huts egin du, epaiak berak aitortzen duen bezala, nagusiki baketsuak izan ziren gertakarien aurrean.
Albiste gehiago politika
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.