Sarek sakabanaketa politikaren amaiera eskatu du Iruñean
Ehunka lagun elkartu dira larunbat iluntze honetan Iruñean, Sarek deituta, egungo espetxe-politikarekin amaitzeko eskatzeko.
Autobus geltoki zaharretik abiatu da manifestazioa, "Presoak etxera" leloa zeraman pankartaren atzetik. Vianako printzearen Plazara abiatu dira aurrena, eta bertan, presoen senideak zituzten zain, "Etxean nahi ditugu" pankartarekin.
Aurrera jarraitu eta beste geldialdi bat egin du martxak Merindadeen Plazan. Lurrean etzanda ziren bi gaztek auto-istripu bat irudikatu dute; ondoan, azken urteotan dispertsioak eragindako istripuetan hildakoen datuak zituzten bitartean.
Jone Galazak komunikabideei azaldu dienez, "gaur egun indarrean dagoen espetxe politikarekin amaitu behar dela aldarrikatzeko deitu du manifestazioa Sarek, sakabanaketa politikaren ondorioz 16 senide hil direla salatzeko, larri gaixo diren presoen askatasuna eskatzeko eta haurrek gurasoekin hazteko duten eskubidea aldarrikatzeko".
"Kalera irten behar izan dugu berriz ere, preso diren emakumeen egoera salatzeko, urrunduta eta bakartuta izateaz gain, zigor gehigarria jasaten baitute emakume izate hutsagatik" salatu dute, gainera.
"Senide eta lagunei gure babesa agertzeko atera gara kalera. Honi irtenbide bat aurkitu behar zaiola argi eta garbi esateko" adierazi du Galarzak. "Elkarbizitza bakean eraikitzea beharrezkoa da eta bake horrek presoak, erbesteratuak eta deportatuak ekarri behar ditu" hausnartu du.
Martxa, Zaballako espetxera
Gaixotasun larriak dituzten presoen egoera salatzeko martxan bat egin du Sarek Zaballako (Araba) espetxera arte, baita manifestazio bat Iruñean ere. Politika aldaketa bat eskatu dio Sarek PSOEri.
10:00etan, txirrindulari talde bat Gasteiztik abiatu da. Kartzelara arte bizikletan joan dira, beste pertsona batzuk, ostera, oinez hurbildu dira espetxera.
Parte-hartzaileek kamiseta eta puxika horiak eraman dituzte. Sareko bozeramaile batek, gaixorik dauden presoen egoera salatu nahi izan dute eta gertatzen ari dena ikustera eman.
Horregatik, horiz janztea erabaki dute, "gaixorik dauden presoen ikur". Sareko ordezkariak salatu duenez, PSOEk "PPk egindako legearen irakurketa bera egiten jarraitzen du; gaixorik dauden presoak bizitzaren azkenean ateratzen dituzte kartzelatik". "Amaitu behar da, presoak bizirik eta etxean nahi ditugulako", nabarmendu du.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.