Sarek 2020 'erabakigarria' espero du ETAko presoentzat
Sare herritarren sareak, euskal presoen eskubideen alde lan egiten duenak, 2020a Espainiako Estatuan eta Frantziakoan dauden euskal presoentzat "erabakigarria" izango dela espero du, 2019an "urrats batzuk", baino nahikoa ez, egin ostean.
Herritarren sarearen arabera, estatuen "erresistentzien, erdizkako pausoen edo atzerapausoen aurrean", gizarte zibilak "ateak ireki behar dizkio garai berri honi, eta parean dugun aukera aprobetxatu". Ohartarazi du "aldaketak" ez direla "estatuen borondate hutsaz" iritsiko, eta horixe erakusten dutela "historiak eta esperientziak".
Horren harira, urtarrilaren 11n Baionako manifestazioan parte hartzeko deia egin dute "Frantziako Estatuari blokeoak eta erresistentziak alde batera uztea eta hasitako bidean jarraitzea" eta Bilbokoan "Madrilen osatzen ari den Gobernu berriari atzerapauso eta erdizkako pauso gehiago ez emateko” eskatzeko.
Sarek batzarra egin du gaur Donostian Bakearen Artisauekin, urtarrilaren 11n Bilbon eta Baionan "euskal presoei ezartzen dieten kartzela politikaren blokeoa amai dadila eskatzeko" egingo diren manifestazioen "garrantzia" azpimarratzeko, baina baita amaitzear den urtearen balantzea egiteko ere.
Joseba Azkarraga Sareren bozeramaileak eta Mixel Berhokoirigoin Bake Artisauenak adierazpen bat adostu dute, eta bertan agertzen denez, 2019a urte "garrantzitsua" izan da, "Frantziako Gobernuak eta Justiziak, gizarte zibilaren etengabeko bultzadari esker, pausoak eman dituztelako presoen gerturatzeari eta ezartzen dizkieten salbuespeneko neurriei dagokienez".
Horien arabera, horrek suposatzen du "lehenengo fasea amaitzear" dagoela, "baina oraindik urrun gaude helburuetatik, Frantziako Gobernuaren ardurapean dagoen Ministerio Publikoaren etengabeko blokeoagatik eta jarreragatik".
Espainiako Estatuari dagokienez, berriz, salatu dute Sanchezen Gobernua hasi zenean "kartzela politika sakonki aldatzeko borondatea" erakutsi zuela, baina "oraingoz, mugimenduak oso gutxi" izan direla eta "kasu batzuetan atzera" ere egin dela, urrundu dituzten presoen kasuan, adibidez.
"Horrekin batera, Juan Mari, Oier eta Jose Angel gaixotasun larriak zituzten presoak hil egin direnez, balantzea ezin da positiboa izan", berretsi dute.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.