'564' abestian oinarritutako #246Ohehuts ekimenak babes zabala jaso du Gabonetan
Aspaldi desegin zen Hertzainak euskal musika talde ezaguna, baina 2019 amaieran, kontzertu gogoangarriak eskaini dituzte Garik eta Josu Zabalak, zaleen gozamenerako. Hertzainakeko abeslari eta soinujoleak irailaren 17an Bilboko Kafe Antzokian emandako kontzertua abiapuntu hartuta, euskal presoen etxeratzearen aldeko ekimena garatzen ari da Gabon hauetan Euskal Herrian.
'564' kantu ezaguna erabili zuten eurek kontzertua iragartzeko, eta abesti hori herriz herri abestea proposatu dute ekimen honen bultzatzaileek; grabatu eta sare sozialetara igotzeko.
Duela 30 urte, 564 euskal preso zeuden garaian osatu zuen Hertzainak taldeak kantua, eta orain, egungo datuarekin, #246Ohehuts izenez ari dira zabaltzen bideoak. Josu Zabala beraren mezuarekin zabaldu zuten bultzatzaileek proposamena abenduaren 10ean Twitterren:
Abenduaren 24ean, Gabon Gauean grabatu zituzten bideoak toki askotan: Durangon, Baionan, Errekalden (Bilbo), Agurainen, Barakaldon, Etxarrin, Zarautzen, Goizuetan, Saran, Donibane Garazin, Zornotzan, Beasainen, Atarrabian, Hazparnen, Antiguon (Donostia), Portugaleten, Oiartzunen, Tolosan, Azpeitian, Hondarribian eta Hernanin, besteak beste. Josu Zabalak berak Otxandion grabatu zuen, eta hainbat musikari ezagunek euren herrian: Urbil Artolak Hondarribian, Xabi Solanok Hernanin, Eñaut Elorrietan Gernikan, Mikel Urdangarinek Zornotzan, Aitor Furundarenak Beasainen, Xabi Bastida eta Aitor Gorosabelek (Su ta Gar) Eibarren ... etab.
Urtarrilaren 11n Bilbon eta Baionan Sarek deitu dituen manifestazioetan parte hartzeko dei gisa ere erabili nahi dute elkartasun dinamika hau, eta horregatik, urtea amaitu arte luzatuko da.
Astelehen honetan bertan, Bilbon izango da hitzordua, 19:30ean, Plaza Barrian. Ekitaldian Zea Mays taldeko Aiora eta Piti, Zazkel taldeko Etxahun eta trikitilariak zein abesbatza egongo dira herritarrekin batera kantuan. Deustuko Done Petri plazan ere ekimen berdina egingo dute, 19:30ean.
Hurrengo egunean, abenduak 31, Plentzian, Sestaon, Soraluzen, Arrasaten eta Larrabetzun izango dira topaketa, besteak beste. Liher taldeak Pasai Donibaneko plazan joko du, eta Keu Agirretxeak Ondarroako Alde Zaharrean. Asier Bidegain trikitilaria Ordiziako Herriko plazan izango da 19:30ean eta 20:00etan , Latzen taldeko abeslari Aitor Uriarte izango da Oñatiko topaketan.
Albiste gehiago politika
Santos Cerdan behin-behinean espetxera bidali du Auzitegi Gorenak
Leopoldo Puente Auzitegi Goreneko epaileak Santos Cerdan PSOEko Antolakuntza idazkari ohia kartzelan sartzea erabaki du, PSOE astindu duen ustezko ustelkeria kasuagatik.
Chivitek azpimarratu du UCOren txostenak ez duela Belateko tunelen obren esleipena aipatzen
Nafarroako presidenteak, UPNren eta PPNren galderei erantzunez, gogorarazi du Nafarroako Kontuen Ganberaren txostenean ere ez zela zalantzan jarri esleipena.
Jaurlaritzak 31 lan-saio egingo dituela iragarri du, Euskadiko segurtasun integralari buruz hausnartzeko eta eztabaidatzeko
Eusko Jaurlaritzak sustatutako Basque Segurtasuna Foroak bere bidea hasi du, segurtasun integralari buruzko hausnarketa eta diagnostiko partekatua lantzeko helburuz. Lehen lan-saioa datorren uztailaren 9an izango da, Sodupen (Gueñes).
Cerdanek eskupekoak jaso izana ukatu du, eta esan du jazarpenaren biktima dela EAJrekin eta EH Bildurekin negoziatzeagatik
PSOEko Antolakuntza idazkari ohiak Auzitegi Gorenean deklaratu du astelehen honetan. Ustelkeriaren Aurkako Fiskaltzak Leopoldo Puente magistratuari eskatu dio Cerdan behin-behinean espetxeratzea, fidantzarik gabe.
Bengoetxea: "Gobernu honek ez ditu inoiz lotuko segurtasuna eta migrazioa"
Gaur Bilbon abiatu den Basque Segurtasun Foroaren harira, Imanol Pradales lehendakariak esandakoak —"egiten duenak ordaindu egingo du", hain zuzen— argitu ditu Ibone Bengoetxea Eusko Jaurlaritzako lehenengo lehendakariordeak eta Kultura eta Hizkuntza Politika sailburuak. "Segurtasun integralaz ari gara", azaldu du.
Eusko Jaurlaritzak bere gain hartu du atzerritarren lan-baimenen kudeaketa
Euskadik migratzaileen lan-baimenekin lotutako eskumen berriak kudeatuko ditu astearte honetatik aurrera; helburua integrazioa erraztea eta administrazio-izapideak arintzea da.
Euskadiko segurtasun integralaren inguruan "konplexurik gabe eta ausardiaz" lan egiteko deia egin du lehendakariak
Lehendakariak eman dio hasiera Basque Segurtasun Foroari, eta azpimarratu du segurtasun integrala beharrezkoa dela "lasai" bizitzeko. "Segurtasunik gabe ez dago ongizaterik, segurtasunik gabe ez dago garapenik", gaineratu du. Halaber, segurtasun integralaren erronkari aurre egiteko gaur egun Euskadik dituen gaitasun politikoak nahikoak ote diren edo indartu eta zabaldu egin behar diren galdetu du.
Santos Cerdan Auzitegi Gorenean dago, eroskeria kasuagatik deklaratzeko
Santos Cerdan PSOEko antolakuntza idazkari ohia Auzitegi Gorenean dago jada, ikertu gisa deklaratzeko, lehen aldiz, Jose Luis Abalos Garraio ministro zela obra publikoetan esleipen irregularraren truke eskupekoak banatzeko sarean nahastuta omen dagoelako.
Abian da Basque Segurtasun Foroa, Bilbon
Euskalduna Jauregia izango da Eusko Jaurlaritzak segurtasun integraleko eredu berria eztabaidatzeko eta eraikitzeko bultzatutako ekimenaren agertokia. Erakundeetako, enpresetako, gizarteko eta hezkuntzako ordezkariek parte hartuko dute bertan.
Rosa Zarraren familiak barkamena eskatzeko "aukera ez galtzeko" eskatu dio Atutxari
Zarraren heriotzaren 30. urteurrenean, Egiari Zor Fundazioak "autokritika zintzoa" eta "Ertzaintzaren biktimak erreparatzeko borondatea" eskatu dizkio Eusko Jaurlaritzari.