Dolores Delgado Estatuko fiskal nagusi izateko hautagaitza aztertuko du gaur BJKNk
Espainiako Gobernuak Dolores Delgado Justizia ministro ohia Estatuko fiskal nagusi izendatzeko egin duen proposamena aztertuko du gaur, osteguna, arratsaldean, Botere Judizialaren Kontseilu Nagusiak (BJKN), osoko bilkuran.
Horrek hautagaiaren egokitasunari buruz egin beharreko txostena nahitaezkoa da, baina ez loteslea, eta hautagaitzak legezko baldintzak betetzen dituela berrikusi besterik ez du egiten (izen handiko legelaria den eta lanean gutxienez 15 urte daramatzan baieztatzen du). Dena dela, osoko bilkuran izango diren legelarien artean eztabaida bizia izango dela aurreikusten da.
BJKNk Pedro Sanchez buru duen koalizio-gobernuarekin egindako lehen txostena izango da, baina epaileen gobernu-organoaren batzorde iraunkorrak adierazpen bat kaleratu zuen atzo, Pablo Iglesias presidenteordeak elkarrizketa batean egindako adierazpen batzuen kontra.
Unidas Podemoseko buruaren hitzetan, Europako epaileek espainiarrak "umiliatu" dituzte "proces" auzian ezarritako zigorrengatik. Hitz horien aurrean, BJKNk "neurritasuna eta ardura instituzionala" eskatu zituen, justiziaren erabilera politikoa saihesteko eta epaileen independentzia, inpartzialtasuna eta profesionaltasuna zalantzan ez jartzeko.
Handik denbora gutxira, Moncloak agiri bat zabaldu zuen, eta, bertan, "adierazpen askatasuna" eta "kritikatzeko eskubidea" errespetatzeko eskatu zuen. Idatzi horretan, "elkarrizketarako" eta erakundeak indartzeko akordioak egiteko unea dela gaineratu zuen. Ildo horretatik, Espainiako Gobernuko presidentea BJKN berritzeko prest dagoela esan zuen.
Testuingurua horretan, Delgadoren hautagaitzari buruzko eztabaida egingo dute arratsaldean. Espainiako Justizia ministro ohiak 25 urte eman ditu Auzitegi Nazionaleko fiskal gisa, eta legeak eskatzen dituen baldintzak betetzen ditu, baina ezingo du alde batera utzi bere izendapenaren proposamenak sortu duen polemika.
Aurreko legealdietan, gehiengo kontserbadorea duen BJKNren osoko bilkurak ia desadostasunik izan gabe eman die oniritzia fiskal nagusia izendatzeko lau proposameni.
Maria Jose Segarra 2018tik da Estatuko fiskal nagusia, Sanchezen gobernuak proposatuta. Aurretik, Consuelo Madrigal izan zen karguan, Mariano Rajoyren gobernuak 2012an izendatutakoa.
Haren ondorengoak, Jose Manuel Maza (2016-2017) eta Julian Sanchez Melgar (2017-2018), BJKNko ia kide guztien babesa jasota iritsi ziren kargura, Concepcion Saez bokala (IUk proposatu zuen legelaria) bakarrik agertu baitzen kontra.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.