Jordi Sanchezi 72 orduko baimen berri bat ematea proposatu du Lledonerseko espetxeak
Jordi Sanchez ANCko buruzagi ohiari 72 orduko kartzela-baimen berri bat ematea proposatu du Lledonerseko (Bartzelona) espetxeak. 48 orduko baimen bat eman zioten ostegunean, baina "familiaren agenda" arrazoiengatik ez du urtarrilaren 25a baino lehen baliatuko.
Generalitateko Zigor Neurrien Idazkaritzak jakitera eman duenez, Lledoners Kartzelako Zigor Batzordeak Sanchezi 72 orduko baimena ematea proposatu du. Kasu honetan, erabakia espetxe zaintzako epaitegiak berretsi behar du, baimena onartzeko eskumena baitu.
Iragan asteazkenean Generalitateak 48 orduko kartzela-baimena eman zien Sanchezi eta Jordi Cuixart Omniumeko buruzagiari. Cuixart atzo arratsaldean atera zen espetxetik, eta kartzela-baimen bat duen Kataluniako prozesuaren auziko lehen presoa da. Preso independentista guztiak bigarren graduan sailkatu dituzte dagoeneko.
24 eta 48 orduko kartzela-baimenetan, Generalitateak du azken hitza Kartzelako Zigor Batzordeak planteatutako proposamena onartzeko orduan, baina hiru eta zazpi egun bitarteko irteeratan espetxe zaintzako epaitegiak ebatzi behar du proposamena.
Sanchezek Twitter sare sozialean iragarri duenez, "familiaren agenda arrazoiengatik" urtarrilaren 25a baino lehen ez da Lledonersetik aterako, Generalitateak emaniko 48 orduko aurreneko kartzela-baimenaz gozatzeko.
ANCko buruzagi ohiak 9 urteko espetxe-zigorraren laurden bat bete du jadanik. Lledonerseko kartzelaren ateetan zain zituen kazetariei eskerrak eman dizkie Sanchezek, baina gutxienez urtarrilaren 25era arte lehen baimenaz gozatuko ez duela ohartarazi die.
Preso independentistak bigarren graduan sailkatu ondoren, Generalitateak 48 orduko lehen kartzela-baimena eman zien Sanchezi eta Cuixarti.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.