Erreferendumean kargatzeko agindua Barne Ministerioak eman zuela dio De los Cobosek
Diego Perez de los Cobos Guardia Zibilaren koronelak koordinatu zuen Katalunian 2017ko urriaren 1eko erreferenduma galarazteko dispositibo poliziala. Bere esanetan, Jose Antonio Nieto orduko Segurtasunerako Estatu idazkariak agindu zien Polizia Nazionalari eta Guardia Zibilari hauteslekuetan jendearen aurka oldartzeko, “Katalunian legea ez betetzea posible zela pentsatzea saihesteko eta herritarren arteko enfrentamendua ekiditeko”.
De los Cobosek lekuko gisa deklaratu du Esquadra Mossoen buruzagien aurka Auzitegi Nazionalean egiten ari diren epaiketan eta han egin ditu adierazpenok.
Erreferendumaren egunean, eguerdian, Ferran Lopez Mossoen bigarren buruzagiari igorri zion mezu elektronikoari buruz galdetu dio Josep Lluis Trapero maiorraren abokatuak Guardia Zibilaren koronelari. Mezu hartan Mossoek itxitako hauteslekuen berri eman zion Lopezek, eta De los Cobosek Guardia Zibilak eta Polizia Nazionalak bildutako informazioa helaraziko ziola agindu zion.
Olga Tubau abokatuaren esanetan, korreo horrek agerian uzten du Mossoak Guardia Zibilarekin eta Polizia Nazionalarekin koordinatu zirela eta, beraz, zalantzan jarri du De los Cobosen testigantza, Kataluniako Poliziak ezer egin zuela esan baitu.
Koronelak berretsi egin du goizean ohartu zirela mossoak "orokorrean ezer egiten ari ez zirela" eta, ondorioz, Guardia Zibilaren eta Polizia Nazionalaren goi-karguek "beste zerbait" egin behar zela erabaki zutela, Mossoek hala eskatu ezean neurririk hartuko ez zutela adostu bazuten ere.
"Desleialtasunez jokatzen ari zirela ikusita, B plana martxan jartzea erabaki genuen; izan ere, guk ez bagenuen zerbait egiten, ez zuen beste inork egingo, eta Katalunian legea ez betetzea posible zenaren ustea zabalduko zen. Eta aurrerago etor zitekeena larriagoa izan zitekeen, independentzia aldebakarrez aldarrikatzeko mehatxua baitzegoen", azaldu du.
Halaber, "herritarren sentimenduak agerikoak ziren eta konfrontazio zibilerako arriskua zegoen", erantsi du.
Gauzak horrela, koordinazio poliziala hautsi eta beren kabuz jardutea erabaki zuten Guardia Zibilak eta Polizia Nazionalak, Mossoekin komunikazioa mantendu bazuten ere.
"Mossoak beren posizioan urrunago joan ez zitezela ezinbestekoa zen guretzat", adierazi du De los Cobosek.
Hasiera batean, erreferenduma galarazteko herritarren aurka oldartzea Guardia Zibilaren eta Polizia Nazionalaren zuzendariek erabaki zutela iradoki badu ere, azkenean zehaztu du agindu hori Jose Antonio Nieto Segurtasunerako Estatu idazkari ohiak eman zuela.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.