Ferran Lopez: "Mossoek Guardia Zibilaren eskaerei erantzun zieten irailaren 20an"
Ferran Lopez Esquadra Mossoen komisarioak asteazken honetan esan duenez, Guardia Zibilak laguntza eskatuz egindako eskaera guztiei erantzun zieten 2017ko irailaren 20an. Zehazki, urriaren 1eko erreferenduma eragozteko Katalunian egindako miaketen harira eskatu zion babesa Guardia Zibilak polizia autonomikoari.
Auzitegi Nazionalean egin ditu adierazpen horiek Lopezek, urriaren 1ean Mossoek izan zuten jokabideagatik egiten ari diren epaiketan. Akusatu nagusia Josep Lluis Trapero da.
Orduan, Traperoren bigarrena zen Esquadra Mossoen komisarioa, eta bi segurtasun indarren arteko laguntza eskaeretarako erabili ohi dituzten bi protokoloak azaldu ditu.
Hala, idatziz egindako eskaera formalari berandu erantzun ziotela aitortu du, ordubetetik gorako atzerapenarekin. Hortaz, metodo hori bakarrik erabili izan balute, Mossoek ez ziotela Guardia Zibilaren eskaerari erantzungo.
Alabaina, beste bide bat erabili zutela esan du. Bere esanetan, telefono bidez hitz egin zuen egun hartan Mariano Martinez Guardia Zibileko koronelarekin, beste egun batzuetan bezala. Lopezek azpimarratu duenez, berehala erantzun zieten egun horretan jaso zituen dei guztiei.
"Telefonoz egindako lehen eskaerari eta Martinez koronelaren hurrengo 38 deiei berehala erantzun genien", azpimarratu du.
Ferran Lopezen arabera, urriaren 1eko erreferenduma eragozteko epailearen agindua betetzeko Mossoen lehen planak ordena publikoko eta herritarren segurtasunerako unitateetako 7.100 agente autonomiko aurreikusten zituen, baina koordinazio bileretan gutxiegitzat jo zuten kopuru hori, eta 800 agente gehitu zituzten polizia-operatibora.
Gainera, horrelakoetan inoiz aritu gabe zeuden unitateak ere kalera atera behar izan zituztela aitortu du, Barne Gaien ardura dutenak eta Polizia Zientifikoa, esaterako.
Jarduera planaren lehen aldaketa izan zen hori. Gero, beste aldaketa bat egin zuten, Espainiako Poliziako eta Guardia Zibileko 6.000 agente sartzeko.
Pedro Rubira fiskalak galdetu dio ea aurretik prestatutako plan horretan Mossoen "binomioaz" hitz egiten zen ala ez, eta lekukoak erantzun dio termino bat baino ez dela, azken batean, "gutxieneko dotazioa" edo "bikotea" bezala erabiltzen dutelako.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.