Social Antzokiko zuzendaria kargugabetu dute ustez dietak birritan kobratzeagatik
Basauriko Udalak Social Antzokiko zuzendaria kargutik kendu du, behin-behinean eta kautelazko neurri gisa, hainbat urtez dietak birritan kobratu zituelakoan. Udalak ikerketa egin du Kultur Etxeko arduradunak dieta bikoiztu ote zituen argitzeko. Ikerketaren lehen fasearen emaitzak aintzat hartuta, diziplina espedientea zabaltzea erabaki du Udalak.
Horrez gain, jakinarazi du auzia Fiskaltzaren esku utziko duela, horrek balizko zigor erantzukizuna ezar dezan.
Basauriko Udalak azaldu duenez, zuzendariari "egozten zaizkion gertakarien tamaina" kontuan hartuta erabaki dute kautelazko neurria hartzea. Izan ere, ikerketaren arabera, "badaude elementu objektibo nahikoa ondorioztatzeko zuzendariak bi erakunde publikoren, Kultur Etxearen eta Eusko Jaurlaritzaren, ordainketak jaso zituela antzerki azoketara joateagatik zegozkion dietengatik, bai behintzat 2015, 2016 eta 2017 ekitaldietan —guztira, 4.067 euro—, eta hala frogatzen dute erreserbatutako informazio-espedientean jasotako egiaztagiriek".
Halaber, betiere Udalaren arabera, "zantzuak badaude, 2007 eta 2014 urteen artean, zehaztugabeko kopuru bat —gehienez 26.036 euro— jaso ahal izan zuela bikoiztutako dietetan. Dena den, epe horretan ezin izan da zehaztu zenbaterainokoa den kopurua Jaurlaritzak ez zuelako gastuen banakapena egiten azoka eta ikuskizunetara joateagatik".
Azkenik, eta Basauriko Udalak ohartarazi duenez, "ikerketa egin duenak bere txostenean dioenez, gai honen inguruan egiaztatu gabeko informazio publiko orok pertsona horren oinarrizko eskubideei —ohorearen, intimitatearen eta irudi eskubidea— eragingo lioke, hortaz, eta erantzukizun zantzuak egon badauden arren, errugabetasun presuntzioa izateko eskubidea du".
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.