EAJ, EH Bildu, Elkarrekin Podemos eta sindikatuen ordezkariekin bildu da Etxerat
Joseba Egibar Eusko Legebiltzarrean EAJk duen bozeramailea, Lander Martinez Elkarrekin Podemoseko idazkari nagusia, Arnaldo Otegi eta Maddalen Iriarte (EH Bildu) eta sindikatuetako ordezkariak Etxerat euskal presoen senideen kolektiboarekin bildu dira larunbat honetan Donostiako hotel batean. Presoak euskal espetxeetara ekartzeko eskatu dio Etxeratek Espainiako Gobernuari.
Arnaldo Otegi EH Bilduko koordinatzaile nagusia, Maddalen Iriarte EH Bilduko lehendakarigaia, Agus Hernan Foro Sozial Iraunkorreko bozeramailea eta Inaxio Ormazabal Sare Herritarra plataformako ordezkaria ere izan dira batzarrean.
Sindikatuei dagokienez, Garbiñe Aranburu LABeko idazkari nagusiak, Raul Arza Euskadiko UGTko idazkari nagusiak eta ELA, CC.OO, ESK, Stelias, Etxalde, CGT eta CNT alderdietako ordezkariek parte hartu dute, Etxeratek ohar baten bidez jakinarazi duenez.
Topaketan adierazpen bat adostu dute eta, horren arabera, "adostasun sozial zabala dago euskal gizartean eta espetxe-politikan premiazko aldaketak egiteko unea dela uste du gehiengo batek", eta hori da hain justu Pedro Sanchezen Gobernuari helaraziko diotena.
"Legebiltzarrean, Batzar Nagusietan eta Udaletan adostutako akordio instituzionalak, politikoak eta sindikalak" berresten ditu adierazpen horrek, presoei ezarritako urruntze-politikaren amaiera eskatzeko eta "espetxe-politikan aldaketa baten mesedetan".
Presoen senideen kolektiboak oso modu positiboan baloratu du "urratsak ematen jarraitzeko erakutsitako borondatea, eta bakean eta elkarbizitza demokratikoan aurrera egiten jarraitu ahal izateko".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.