Arnaldo Otegi: "PP bateratzeko estrategian peoi gisa erabiliko dute Iturgaiz"
Arnaldo Otegi EH Bilduko idazkari nagusiak Radio Euskadiko 'Boulevard' albistegian azaldu duenez, apirilaren 5ean izango diren EAEko hauteskundeei begira prestatu dituzten zerrendetan ez dute aldaketa sakonik egin nahi izan. PSE-EEko eta Ezker Batuko buruzagi ohiek koalizio politikoari babesa emateko sinatu zuten gutuna aintzat hartu du Otegik, eta horren atzean EAJk herri gisa dituen asmo askori eta PSE-EEk eta Podemosek herritarren beharrizan askori uko egin dietela uste du. Hala, gutun horren sinatzaileak independentistak izan ez arren, erabakitzeko eskubidearen aitortza partekatzen dutela nabarmendu du. “Iraganean lerrotu edo orainean hipotekatu nahi gaituztenean, etorkizunari begiratzen diogu guk”, gaineratu du.
Alderdi bakoitzaren ñabardurak alde batera utzita, EH Bilduko, PSE-EEko eta Elkarrekin Podemoseko legebiltzarkideak batuz gero, “herri honetan ezkerreko indarrak nagusi” direla esan du Otegik. Hala, apirilaren 5eko hauteskundeen ostean hiru agertoki ikusten ditu. Bere ustez, “erabakitzeko eskubidearen aldekoak nagusi izan arren ezin izango da gauzatu, EAJk uko egin diolako jada”. Halaber, “ezkerreko alderdiek osatuko luketen gehiengoa ez da posible izango, PSE-EEk uko egin diolako”. Hirugarren aukera, Otegiren ustez, "aurrerapen nazionala eta ezkertiarra" geldituko duen gobernua da. Testuinguru horretan, EH Bildu Podemosekin eta EAJrekin Nafarroan bezalako koalizio-gobernu bat osatzeko prest dagoela esan du Otegik, edo bestela PSE-EE eta Podemosekin gobernua osatzeko, "EH Bilduren gidaritzapean".
Bestalde, Eusko Jaurlaritzak eta Espainiako Gobernuak Gernikako Estatutua betetzeko lortu duten akordioari garrantzia kendu dio Otegik. "2021ean eskumena gauzatuko den ala ez erabakiko duen azterketa bat egiteko akordio bat dago". Horrela, Estatutua Konstituzioaren mugetara mugatuz EAJk herri gisa dituen asmo askori uko egin diela nabarmendu du EH Bilduko idazkari nagusiak. EAJ aipatzeko “lotsagabe, harroputz eta mespretxagarri” bezalako hitzak erabili ditu Otegik.
EH Bilduk Zaldibarko krisia nola kudeatuko zukeen galdetuta, Juan Carlos Izagirre Donostiako alkate izan zenean Martutenen eta Txomin Enean izandako uholdeei eman zien erantzuna aipatu du Otegik. Bere iritziz, "gezurra da pribatizazioa kontrol publikoa baino hobea denik". Halaber, “Eusko Jaurlaritzak dena kontrolpean duenaren mitoa” erori dela esan du Otegik.
“Hauteskunde-kanpaina honetan behin eta berriro aipatuko dute ETA, baina ez du ezertarako balio izango”. PPk Carlos Iturgaiz lehendakarigai izendatzearen inguruan, Otegik esan du alderdi horretan “erradikalagoak izateak ondorioak” ekarriko diela, eta gaineratu du jarrera horrekin "okertu" egingo direla, "herrialdearentzat hobe". Otegiren ustez, PP bateratzeko estrategian "peoi gisa" erabiliko dute Iturgaiz, baina emandako pausoarekiko "errespetua" ere erakusten dio.
Jatorrizko informazioa Radio Euskadik landu eta eitb.eus-ek itzuli du.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.