Batzorde Iraunkorra apirilaren 17an elkartuko da hainbat proposamen eztabaidatzeko
Eusko Legebiltzarraren Batzorde Iraunkorra apirilaren 17an elkartuko da pandemiaren eragin sozioekonomikoa arintzea helburu duten EH Bilduren hiru ekimenen eta Elkarrekin Podemosen beste baten inguruan eztabaidatzeko.
Telematikoki egingo dute bilera, Eusko Legebiltzarraren Mahaiak gaur adostu duenez. EH Bilduk Batzorde Iraunkorra berriro biltzeko egindako eskaera onartu da horrela, jakinarazi du koalizioak berak.
Legebiltzarraren ordez martxan dagoen Batzorde Iraunkorraren saioan EH Bilduren hiru proposamen eta Elkarrekin Podemosen beste bat izango dituzte eztabaidagai. Azken horren kasuan, EH Bilduk oniritzia eman dio gai ordenean egon dadin.
EH Bilduren aldetik, enpresa txiki eta ertainentzako eta autonomoentzako neurri zehatzak eskatu ditu (atzerapen fiskala, gastu finkoak kentzea eta garai honetako galerak konpentsatzeko diru-funsta); osasun alorrean testak ugaritzea, Osakidetzako langile guztientzako babes materiala bermatzea eta larrialdi egoeraren ondorengo testuingurua prestatzea; eta zaharren egoitzen kasuan, testak ugaritzea, babes materiala bermatzea, eta zentro pribatuetan kontrol publikoa ezartzea.
Bestalde, Elkarrekin Podemosek egindako proposamenean baliabide urriko familiei gailu telematikoak ematea eskatzen da, etxe horietako haurrek Internet bidez jarrai dezaten ikasturtea.
Albiste gehiago politika
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.