Dolors Bassa espetxetik atera da lan egiteko baimenarekin
Dolors Bassa Kataluniako Lan kontseilari ohia Figueresko Puig de les Basses espetxetik atera da astelehen honetan, oinarrizko zerbitzuak ematen dituen erakunde batean lan egiteko, espetxeko araudiaren 100.2 artikuluak horretarako baimena ematen baitu.
Senitarteko batek 08:30ean jaso du Bassa, eta zaharren egoitza batera eraman du, bertan egingo baitu lan, astean bost egunez.
Orain arte, astean hiru egunetan atera zitekeen kontseilari ohia, zortzi orduz, ama zaintzeko, baina baimen hori bertan behera geratu zen koronabirusaren pandemiagatik alarma-egoera ezarri zutenean.
Bassa baino lehen, Jordi Cuixart Omnium Culturaleko presidentea eta Jordi Turull, Josep Rull eta Joaquim Forn kontseilari ohiak itzuli ziren euren zereginetara; izan ere, baldintza da enplegua izatea eta, konfinamendua gorabehera, zentroa martxan egotea.
Espetxea utzi eta gutxira, Bassak mezu bat bidali du sare sozialen bidez, eta "pozik" agertu da "adineko pertsonen egoitza batean lan egiteagatik, orain hainbeste esku behar baitira".
Dolors Bassak kartzelara itzuli beharko du gauero, eta ezingo du espaziorik partekatu, ezta beste presoekin harremanetan jarri ere, koronabirusa zabaltzea saihesteko.
Albiste gehiago politika
Astearteko Ministroen Kontseiluan Israelen aurkako neurriak onartzea negoziatuko dute PSOEk eta Sumarrek
Sanchezek Tellado kritikatu du Gobernuaren "hilobia zulatzeko" deia egiteagatik: "Milaka espainiarren aurkako iraina da"
Nafarroako PPren urte politikoa abiatzeko ekitaldian, Telladok esan du Gobernua hilzorian dagoela. Horren hitzetan, "hemen eta orain has gaitezke hilobia zulatzen, Espainian inoiz egon behar ez zen gobernu baten hondarrak lurperatzeko".
Ibarrola: "Ziklo politiko bat amaitu eta beste bat hasten da; UPNren unea da"
Cristina Ibarrola UPNko presidenteak "ilusioaren, itxaropenaren, zintzotasunaren eta egiaren zikloa" hasi dela aldarrikatu du, "Navarra y punto" lelopean egin duten urte politikoa irekitzeko ekitaldian.
CAFen Jerusalemgo proiektuaren legezkotasunaren aurrean "egiari huts egitea" leporatu dio Pradalesi BDZ mugimenduak
Boikota, Desinbertsioa eta Zigorrak mugimenduak salatu duenez, tren arinak nazioarteko ebazpenak urratzen ditu, eta Eusko Jaurlaritzak Gipuzkoako laguntza publikoak eteteko eskatu du.
Euskal zentro teknologikoek Euskadiko garapen industrialean duten "garrantzia" azpimarratu du Jauregik
Sailburuak berretsi du etorkizun hurbilean garrantzi handia dutela fabrikazio adimendunak, energia berriztagarriek, mugikortasun jasangarriak edota adimen artifizialak.
Gizarte Segurantzaren erregimen ekonomikoa "bermeekin eta korrika egin gabe" transferitu behar dela esan dio Sumarrek Pradalesi
Etxebizitza, osasuna, hezkuntza eta klima-aldaketaren aurkako borroka izan ditu hizpide Jon Hernandez legebiltzarkideak. "Bat gatoz lehentasunetan, baina ez nola ekin", azaldu du.
De Andresek popularrekiko "etsaitasuna" egotzi dio EAJri, eta Estatuaren eskumen esklusiborik ez eskatzeko eskatu dio
Euskadiko PPko presidenteak "ezker abertzalera hurbiltzea" leporatu dio lehendakariari, Euskadin "erradikaltasunaren gorakada" izaten ari dela ohartarazi du eta aurre egin die Aitor Estebanen kritikei.
Fiskal nagusia, Gorenean: "Justizian eta egian sinesten dudalako nago hemen"
Epaileen eta fiskalen elkarte nagusiek eta Botere Judizialaren Kontseilu Nagusiko kide batzuek ekitaldi horretara ez joateko eskatu zioten, sekretuak ezagutarazteko delitu batengatik auzipetuta dagoelako, epaiketaren atarian.
Andoni Ortuzar kanpo-aholkulari gisa arituko da PwC aholkularitza-enpresan
EAJko presidente ohiak komunikazio eta gai publikoetan aholkularitza lanetan jardungo du sektoreko nazioarteko enpresa handienetako batean.
Otxandiano: “Herritarrek protesta zibila baliatu dute ahotsa altxatzeko, eta harro egon behar gara”
Pello Otxandiano EH Bilduko legebiltzarkidea Euskadi Irratiko "Faktoria" saioan izan da, eta Bilbon herritarrek egindako protesta "itxaropenerako zirrikitu bat" dela azpimarratu du.