Felipe VI.ak aitaren jardueren berri zuen aztertzea eskatu dute EAJk eta EH Bilduk
EAJk, EH Bilduk, ERCk eta JXCatek, besteak beste, sustatutako Errege Etxearen ustezko legez kanpoko jarduerei buruzko ikerketa batzordeak onuradunen artean Felipe VI.a ote dagoen aztertzea nahi du, eta baita hark aitaren jardueren berri ba ote zuen argitzea ere.
Ikerketa batzordearen eskaera asteartean erregistratu zuten talde horiek, Mas Pais, Compromis, Cup eta BNGrekin batera, "Errege-familiako kideek eta haien konplizeek egindako ustezko irregulartasunek Espainiako Estatuak Saudi Arabiarekin duen politika diplomatiko eta komertzialean izan ditzaketen eraginak aztertzeko".
Hain zuzen ere, merkataritza kontratuak esleitzeko estatuburu ohiaren parte-hartzearekin egitura opakuak ote dauden iker dadila eskatzen dute, Errege-familiako kideek zerga paradisuetan kontu irregularrak ote dituzten eta horiek lortzeko mekanismoen eta funtsen jatorria non dagoen.
Horrez gain, Espainiako Monarkiak Saudi Arabiarekin izan dituen harremanek Estatuak herrialde horrekin izan dituen harreman diplomatiko eta komertzialetan izan ditzaketen eraginak ezagutu nahi dituzte alderdiek.
Auzitegi Goreneko Fiskaltzak Mekako tren azkarraren eraikuntzan ustez komisioak ordaindu izana ikertuko du, gertakarietan nahasita egon daitekeen pertsonetako bat Juan Carlos Borboikoa errege emeritua delako.
Gainera, Corinna Larsenen adierazpenei erreferentzia egiten diete ikerketa batzordea eratzeko eskaeran: "Estatuko zerbitzu sekretuen eta Errege Etxearen aldetik presio eta mehatxu larriak jaso zituen, ustez errege emerituarentzat dokumentu konprometigarriak konfiskatzeko".
Planteatutako batzordean, talde parlamentario bakoitzeko bi ordezkari egongo dira gehienez, eta sei hilabete emango lituzke lanean.
Orain arte, Kongresuko Mahaiak beti baztertu ditu erregea ikertzeko proposamenak, argudiatuz ezin dela errege emerituaren jardueretan sakondu, haren bortxaezintasuna iraunkorra delako.
Hala ere, 2014ko ekainean erregeak abdikatu zuenetik egindakoak ikertzeko ardura hartu zuen bere gain Auzitegi Goreneko Fiskaltzak.
Horrez gain, Unidas Podemos ikerketa batzorde alternatibo bat egiteko proposamena sustatzen ari da, bestelako diseinu juridiko batekin, "Kongresuko Mahaian onartua izateko aukera handiagoa izan dezan".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.