Nafarroa, Kantabria eta Errioxa EAErekin mugikortasuna eskatzea aztertzen ari dira
Maria Chivite Nafarroako presidenteak, EAE, Errioxa eta Aragoiko homologoekin batera, mugakide diren erkidegoen arteko mugikortasuna aztertzen ari da. Erabaki horretan, deseskalatze prozesu osoan bezala, Nafarroako Gobernuak "segurtasuna" eta "zuhurtzia" lehenesten dituela adierazi du.
Oraingoz, Javier Remirez Nafarroako Gobernuko presidenteorde eta bozeramaileak prentsaurrekoan azaldu duenez, Nafarroako presidenteak Errioxako eta Aragoiko bere homologoekin hitz egin du mugikortasunaz, eta asteazken honetan Iñigo Urkullu lehendakariarekin hitz egingo du.
Remirezek erkidegoen arteko mugikortasuna ahalbidetzeak deseskalatzearen 3 fasean indarrean dauden muga guztiak kentzea dakarrela adierazi du.
Erabakia "aldebikoa izan behar da", esan du, eta Foru Gobernuari "kostatu egiten zaio muga guztiak kendu behar izatea, egokiak iruditzen zaizkigunak" gaineratu du. Nolanahi ere, ekainaren 22an "bai ala bai" mugikortasuna baimenduko dela zehaztu du, alarma-egoera amaituta egongo delako.
Kantabriari dagokionez, Miguel Angel Revilla presidenteak bihar, osteguna, erabakiko dutela Euskal Autonomia Erkidegoarekin mugikortasuna berriz irekitzeko aukerari buruz iragarri du, Osasun Sailaren txostenen arabera, baina Basurtuko ospitalean COVID-19 foku bat agertzea ez dela "eragozpen bat" berriro irekitzeko ziurtatu du, haren ustez ez baitago "inolako arriskurik".
"Bi erkidegoen nahia irekitzea da", adierazi du Revillak erkidegoen arteko bidaiak baimentzeko erabakiari buruz. Erabakia oraindik ez dagoela hartuta adierazi du, eta "ekonomiaren eta osasunaren ikuspegitik arrazoitua" eta Iñigo Urkullu lehendakariarekin ere bat eginez hartuko dela adierazi du.
Kantabriako presidenteak aitortu du "beldur handia" dagoela autonomia erkidegoen arteko komunikazioei berriro ekiteko, baina nolabaiteko arriskuarekin bizi beharko dela azpimarratu du. Ekonomia "berriz abiarazi da", adierazi du.
Bestalde, Chus del Rio Errioxako Gobernuko bozeramaileak irizpide epidemiologikoak kontuan hartuko direla EAE, Nafarroa eta Aragoirekin mugikortasuna berriz ireki aurretik azpimarratu du.
Del Riok "goizegi" jo du datorren astelehenaz geroztik (ekainak 15) erkidego horiekin mugitzeko baimena iragartzea, eta astebetez soilik aurreratuko liratekeela mugimenduak gogorarazi du, alarma-egoeraren murrizketak hilaren 21ean amaitzen baitira.
Hala, autonomia erkidego horiekin harremanetan egon eta haien egoera egiaztatu ostean, erabaki "egokiena" hartuko dutela berretsi du.
Zure interesekoa izan daiteke
Sanchezek nabarmendu du "pentsioak bai ala bai igoko" direla, "PPren babesarekin edo hori gabe ere"
Exekutiboak gaur arratsaldean ekingo die berriro talde parlamentarioekin izandako elkarrizketei, Kongresuak 'omnibus dekretua' bertan behera utzi eta egun batzuetara.
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".