Nafarroa, Kantabria eta Errioxaren arteko mugikortasuna adostea eskatu du Urkulluk
EAEko, Nafarroako, Kantabriako eta Errioxako erkidegoen arteko herritarren mugikortasun librea adosteko deia egin du Iñigo Urkullu lehendakariak igande honetan erkidegoetako presidenteekin izandako bideokonferentzian.
Espainiako Gobernuak, berriz, ez du oraindik baimenik eman, eta alarma egoera amaituko den ekainaren 22rako atzeratu du fase berean dauden erkidegoen arteko zirkulazio hori.
Dena dela, data hori aurreratzearen alde egin du Urkulluk, eta EAEk muga dituen erkidegoetako presidenteekin adostu nahiko luke hori, ekainaren 15az geroztik normaltasun berriari ekiteko, pandemiaren deseskalatze prozesuaren barruan.
Zentzu horretan Urkulluk azpimarratu duenez, "herritar, familia eta negozio asko eskatzen ari dira urrats hori aurreratzea", izan ere, "une erabakior honetan, merkataritza, turismoa, logistika eta esportazioak suspertzen lagunduko du".
Bestalde, koronabirusagatik "kutsaturik eta hildakorik" gabeko lehen eguna Euskadin azpimarratu du lehendakariak, eta txalotu egin du "hoberako joera hori egonkortu" dela. Hala eta guztiz ere, "ez gara fidatuko, eta osasun sistema eta osasun langileei babesa ematen jarraituko dugu".
Euskadi 3 fasera igaroko da astelehen honetan eta, urrats berri honen aurrean, Urkulluk azpimarratu du "irekiera berriak" izango direla, baina "zuhurtziaz jokatzen jarraitu behar" dugula pertsonen arteko harremanetan eta taldeka gaudenean ere. Hori dela eta, gogoratu du 3 fase horretan itxita jarraituko dutela diskotekek eta gaueko aisialdiarekin lotutako tabernek.
Merkataritza, ostalaritza, garraioa eta turismoari dagokienez, edukiera handituko dute. Berrikuntza moduan, haur eskolak eta haurtzaindegiak ireki ahalko dituzte, eta haurrentzako eta gazteentzako aisialdi-jarduerak ere egin ahalko dira, "lan eta familiaren kontziliaziorako urrats garrantzitsua", Urkulluren hitzetan.
Alor ekonomikoan Gasteizko Exekutiboaren buruak arreta jarri du industrian, "ekonomiaren motorrean", eta hori garatzeko "estrategiaren beharra" plazaratu du. "Ezin dugu alor hori alde batera utzi", ondorioz, "publikoaren eta pribatuaren arteko lankidetza eta arreta areagotzearen" alde egin du.
Amaitzeko, aurreko bideokonferentzian bezala, botiken koordainketa egiten dutenei maskara kirurgikoen eta sanitarioen BEZa kentzeko proposamena luzatu dio Pedro Sanchez Espainiako Gobernuko presidenteari.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.