Urkullu: "Euskadik ez du inolako mesede-traturik izan pandemian, bakar bat ere ez"
Koronabirusak eragindako pandemian, EAJren babesaren truke Euskal Autonomia Erkidegoak (EAE) Espainiako Gobernuaren aldetik "ez du inolako mesede-traturik jaso", Iñigo Urkullu lehendakariak ostegun honetan esan duenez. Ildo horretatik, beste autonomia erkidegoetako presidenteek ez diotela ezer aurpegiratu eta ez diotela kexarik helarazi gaineratu du.
"Euskadik ez du inolako mesede-traturik jaso", azpimarratu du goizean Ser irratian egindako elkarrizketan. Hala, osasun arloko krisian, Eusko Jaurlaritzak "autogobernuarekiko errespetua" eta Gizarte Segurantzaren kudeaketa ekonomikoa soilik babestu dituela azaldu du, Gernikako Estatutuan jasota dagoena aldarrikatuz.
Zehazki, eskumen horren baitan kokatu du Euskadin bizitzeko gutxieneko diru-sarrera kudeatzeko Pedro Sanchezen gobernuarekin lortutako akordioa, eta Kontzertu Ekonomikoarekin Euskadik "aldebakarreko kudeaketak dituen arriskuak" onartzen dituela adierazi du, "EAEk ez baitu Espainiako Gobernuaren finantzaziorik jasotzen, beste autonomia erkidego batzuetan gertatzen den bezala".
Halaber, Kongresuan gaur egun bizi den "tentsio giroa" ere izan du hizpide Urkulluk, eta "kezkatuta" agertu da "ezberdinen arteko elkarrizketa, eztabaida eta akordioak bilatzeko foroa" politikaren "eredu txarra" bihurtu delako.
Lehendakariaren hitzetan, Espainiako Gobernuko presidentearen eta autonomia erkidegoetako presidenteen arteko igandeko bideokonferentzietan ez dago tentsio hori, eta nabarmendu du topaketa horiek "desadostasunaren barruan hizkera logikoan" garatzen direla, "denok jakitun izanik erakunde bat ordezkatzen dugula".
Horrez gain, koalizio abertzaleak alarma-egoera luzatzearen alde egin zezan EH Bilduk, PSOEk eta Unidas Podemosek gaur egun indarrean dagoen lan-erreforma bertan behera uzteko sinatutako akordioari dagokionez, hitzarmen hori "ezker abertzaleak Euskadin ezkerreko aliantza bat osatzeko duen asmo historikoa" kontuan hartuta ulertu behar dela esan du Urkulluk.
"Ezker abertzaleak ondo aztertzen ditu erabaki guztiak, eta beti izan dute lan-ildo hori, baina horri buruz galdetu beharko zaie beste bi alderdiei, batez ere PSE-EEri, politikan ere printzipio etikoak eta balio partekatuak daudelako, eta ez dakit horrek posible egiten duen sozialistak alderdi horrekin ados egotea, batez ere ezker abertzalearen inguruko pertsonek alderdi batzuen egoitzei egindako erasoekin", azaldu du.
Hala, Euskadiren testuingurutik kanpo eraso horiek zergatik gertatzen diren azaltzea "zaila" dela esan du Urkulluk, eta alderdi batzuetako egoitzetan agertu diren pintaketak tolerantzia eta euskal gizartearen aniztasuna ikusten "ohituta ez dauden pertsonei" egotzi dizkie.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.