Garrido: "Urkullu, Revilla eta Feijooren ereduak ez du euskal gizartea ordezkatzen"
Egungo eredu politikoa alboratzea lortuko duen herritar mugimendu zabal bat sortzea eta martxan jartzea da Pilar Garrido Elkarrekin Podemoseko koordinatzaile berriaren helburu nagusia. Horren hitzetan, "Urkulluk, Revillak eta Feijook ordezkatzen duten ereduak ez du euskal gizartea ordezkatzen", eta beharrezkoa da jokaleku hori aldatzea.
Ezkerreko alderdien aliantza batetik etor daiteke aldaketa, alderdi moreko kidearen ustez, eta, beste behin, ezkerreko gobernu bat osatzearen alde agertu da. "Elkartasuna eta justizia soziala" erdigunean jarrita, krisitik ateratzea "ahalbidetuko" duen ezkerreko gobernua eraiki nahiko luke Garridok.
Azken 40 urteotan "espazio politiko horretan" egon diren alderdiek ez dutela eredua aldatzen asmatu nabarmendu du, "erosotasunagatik, batzuk, eta, etsipenagatik, besteek". Elkarrekin Podemosen jarrera "oso bestelakoa" dela adierazi du koordinatzaile berriak, eta aldaketa posible dela erakustera omen datoz. "Herritar mugimendu indartsu bat sortzen laguntzera gatoz", gehitu du.
Agerraldi telematikoan, Elkarrekin Podemosek duela aste batzuk zuzendaritza berritzeko abian jarritako primarioen emaitzen berri eman du. Erraz irabazi du Garridok, botoen % 84 bereganatuta. Maria Luisa Gadea izan du lehiakide, eta horrek % 15,9ren babesa jaso du.
'Zubiak' izeneko hautagaitza aurkeztu zuen Garridok, eta, besteak beste, David Soto, Asun Merinero eta Miren Gorrotxategi ditu zerrendakide.
Koordinatzaile aukeratu berritan egin duen lehendabiziko hitzaldian, eskerrak eman dizkie militanteei, eta Elkarrekin Podemos "indartsuago eta iklusiboago" baten alde lan egingo duela hitz eman du.
Zure interesekoa izan daiteke
Barne Ministerioak Lleidako poliziaburua kargutik kendu du, Donostian sexu-jazarpenagatik ezarritako zigorraren berri izan ostean
Komisarioa inspektoreburua zen garai hartan Donostian, Poliziaren Esku Hartzeko Unitate bat (UIP) zuzentzen ari zen, eta, Gipuzkoako Auzitegiak frogatutzat jo eta Auzitegi Gorenak berretsi zuenaren arabera, "lanean hasi zen unetik" biktimari, bere agintepeko agente bat, "berarekin sexu-harremanak izateko" eskatzen hasi zitzaion.
"Immobilismoa ez da aukera bat", ohartarazi dio Sumarrek Sanchezi, eta aldaketak eskatu dizkio berriro
Ernest Urtasunek adierazi duenez, legealdiko une "oso larria" da, PSOEri eragiten dioten ustezko ustelkeria kasuak eta buruzagi sozialisten aurkako sexu-jazarpen salaketak direla eta.
Sanchez Junquerasekin (ERC) bilduko da urte hasieran, legegintzaldian aurrera nola egin aztertzeko
Juntsi dagokionez, Pedro Sanchezek aitortu du Kataluniako alderdiarekin "harremana hautsita" dagoela, baina akordioak betetzeko "erabateko borondatea" agertu du.
Sanchezek adierazi du "feminismoarekiko erabateko konpromisoa" duela eta ustelkeriaren aurka "irmo" diharduela
Espainiako Gobernuko presidenteak agerraldia egin du Moncloan, urtearen balantzea egiteko. Azpimarratu duenez, legealdia amaitzeko borondatea du, eta horretarako babesak "harrien azpian ere" bilatuko dituela hitzeman.
Espainiako Gobernuaren egoera "jasanezina" dela dio Urkulluk
'Forum Europa. Tribuna Euskadi' saioan egindako hitzaldian, Euskal Herriko gaurko egoera politikoa ere aztertu du eAtlantic Fundazioko presidenteak, eta garrantzia kendu die EAJren eta PSEren arteko "desadostasunei", horren iritzian, "egonkortasunaren" alde adosteko gai diren alderdiak direlako.
Aske utzi dute CAFen aurkako protestan atxilotutako laguna
Protesta larunbat eguerdian egin zuten, Bilboko erdigunean, CAF euskal enpresari Israelekin dituen kontratuak bertan behera uztea eskatzeko. Protestan, lau ertzain eta manifestari batzuk zauritu ziren.
Harrera hunkigarria egin diote Donostian Mikel Zabalzaren omenezko autobus martxari
Guardia Zibilak duela 40 urte hil zuen autobus gidari nafarraren kasua oroitzeko ekimenaren amaieran, ekitaldia egin dute igande eguerdian Boulevardean. Zabalzaren senideek "egia, justizia eta erreparazioa" galdegin dituzte bertan, eta euskal erakundeei "akuilu" gisa aritzeko eskatu diete auzia behingoz argitzeko.
CAFen aurkako protesta egin dute Donostian, eta Israelekin negoziorik ez egiteko eskatu diote
Euskotrenen geltokian egin dute protesta, eta trenen zirkulazioa eten dute zenbait minutuz, trenbidearen gainean pankartak jarrita. Joseba Alvarez protestarien ordezkariak azaldu duenez, “ezin da horrelako proiektu bat aurrera eraman sionismoarekin kolaboratu gabe”, eta horregatik eskatzen diote CAFi bertan behera uzteko Israelekin egindako trenen proiektua.
Sanchezek gobernatzen jarraitzeko nahia agertu du, "egoera zail hau gorabehera"
Caceresen egindako mitin batean, buruzagi sozialistak azpimarratu du PSOE "irmotasunez eta gardentasunez" aritu dela ustelkeria eta sexu-jazarpen kasuen aurrean. Sumar koalizio gobernuko kideak eta inbestidurarako beste bazkide batzuek, EAJk kasu, auzitan jarri dute gobernagarritasuna, eta Sanchezen gaineko presioa areagotu dute.
Auzitegi Nazionala Tubos Reunidosen kontratu bat ikertzen ari da, Leire Diazi ustez eskupekoak emateagatik
Guardia Zibilaren txostenaren arabera, 113 milioi euroko kontratu baten esleipena azkartzeko, komisioak ordaindu zizkion enpresak. Nafarroako Erri Berri enpresarekin egindako beste kontratu bat ere badago ikerketapean.