Euskal preso gehienek urrunduta eta lehen graduan jarraitzen dute
Euskal Herriko bake prozesua indartzeko Foro Sozialak euskal "preso politikoei ezartzen zaien espetxe politikaren Behatokia" jarriko du martxan.
Asteartean aurkeztuko dute egitasmoa, Bilbon egingo duten agerraldi batean, eta presoen egoerari buruzko azken txotenean jasotako datuak emango dituzte jakitera. "Espetxe politikan eman diren azken aurrerapausoen eta blokeoen" berri emango dutela iragarri du Foro Sozialak.
Erakunde horrek EiTBri aurreratu dionez, iazko abendutik EPPK kolektiboko 14 preso gutxiago daude; denera, 232 preso daude, eta horietatik 4 bakarrik daude Euskal Herriko espetxeetan. 191 Espainiako Estatuko kartzeletan ari dira zigorra betetzen eta 34 Frantziakoetan. Hiru euren etxeetan daude preso.
152 preso lehen graduan daude, 37 bigarrenean eta lau hirugarrenean ( bat, espetxealdi arinduan).
Bestalde, preso gehienak Euskal Herritik 400 kilometro baino gehiagora dauden espetxeetan daude: 13 etxetik 200 kilometro baino gutxiagora daude eta 27, 200-400 kilometrotara dauden kartzeletan.
COVID-19aren pandemiak ere, bete-betean eragin dio presoen egoerari, eta, besteak beste, irteera baimena zuten hainbat presok ezin izan dute baimen hori baliatu. EPPK koletiboko kideen kasuan, 9k dute kalera ateratzeko baimena, baina osasun krisia dela eta, hiruk ezin izan dute kanpora irten.
Foro Sozialaren azken txostenaren arabera, halaber, ekainaren 19tik lau preso gerturatu dira, hiru Euskal Herriko espetxeetara eta bat Arrasateko Aita Menni zentrora. Beste bost gerturatzeko plana mahai gainean badago ere, horiek ez dira horiek gauzatu.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.