Kataluniako politikari presoei hirugarren gradua ematea proposatu dute aho batez
Kataluniako politikari presoei hirugarren gradua ematea proposatu dute aho batez Lledoners (Bartzelona), Puig de les Basses (Girona) eta Wad-Ras (Bartzelona) espetxeetako tratamendu batzordeek. Zehazki, urriaren 1eko erreferenduma bultzatzea leporatuta Auzitegi Gorenak zigortu zituen bederatzi buruzagi independentistei eragiten die neurriak. Sailkapen horrekin, gaur egun preso dauden buruzagi independentistek soilik lo egitera joan beharko lukete espetxera.
Amand Caldero Generalitateko Justizia Kontseilaritzako Zigor Neurrien, Gizarteratze eta Biktimen Arretarako idazkariak eman du erabaki horren berri, ostegun honetan egindako agerraldian. Testuinguru horretan, Generalitateko Justizia Kontseilaritzak bi hilabeteko epea du orain espetxeetako tratamendu batzordeen proposamena onartzeko edo ez.
Kataluniako espetxeetako tratamendu batzordeek datorren ostegunera arte (uztailak 9) zuten prozesu independentistaren auzian zigortutako buruzagien sailkapena berrikusteko. Izan ere, gaur egun bigarren graduan dauden Oriol Junqueras presidenteorde ohiaren, Jordi Turull, Josep Rull, Quim Forn, Dolors Bassa eta Raul Romeva kontseilari ohien, Carme Forcadell Kataluniako Parlamentuko presidente ohiaren, Jordi Sanchez ANCko presidente ohiaren eta Jordi Cuixart Omnium Culturaleko presidentearen egoera aztertu behar zuten.
Horrela, hiru kartzeletako tratamendu batzordeak 09:00etan bildu dira, aldi berean, Kataluniako politikari preso horien sailkapena aztertzeko. Calderok azaldu duenez, "balizko mehatxu eta hertsapenengatik babesteko eta erabakia gardentasunez eta interferentziarik gabe hartzeko" bildu dira aldi berean. Azkenean, preso dauden bederatzi buruzagiei hirugarren gradua ematea proposatu dute, aho batez.
Lehen sailkapena aztertu zutenean, abenduaren 11n, tratamendu batzordeek gehiengo osoz hartu zuten bigarren gradua emateko proposamena, baina ez aho batez, "eztabaida sakona" egon baitzen, bigarren eta hirugarren graduen arteko oreka estuarekin, Calderok azaldu duenez.
Hala, espetxeetako tratamendu batzordeen proposamena onartzen badute, bederatzi presoek hirugarren graduan beteko dute zigorra. Beraz, aste barruan kartzelan egingo lukete lo, eta asteburuan etxean egoteko aukera izango lukete.
Calderoren hitzetan, sailkapen horren inguruko proposamenarekin, orain bi hilabeteko epea ireki da. Generalitateko Justizia Kontseilaritzak bederatzi proposamenak aztertu eta ebazpen bat eman behar du, proposamena onartuz edo ez: berretsiz gero, presoei berehala ezarriko liekete hirugarren gradua.
Gehienetan (kasuen % 95 inguruan), Justizia Kontseilaritzak ez du inolako trabarik gabe jartzen tratamendu batzordeen proposamenak onartzeko, eta, normalean, ez da erantzuna emateko epea agortzen. Sailkapen Zerbitzuaren ebazpena dagoenean, Fiskaltzak Espetxe Zaintzako Epaitegira jo ahalko du, eta, ondoren, auzitegi epai-emailera (Auzitegi Gorenera).
Presoei Espetxe Araudiaren 86.4 artikulua berehala aplika ote dakiekeen galdetuta (gaua espetxean ez igarotzea ahalbidetzen du), erabakia tratamendu batzordeen esku dagoela erantzun du Calderok, baina zuzenean ezartzea oso zaila dela gaineratu du.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.