Blancok kritikoek barkamena eskatzea eta helegiterik ez jartzea espero du
Eba Blanco EAren idazkari nagusiak esan du alderdiaren sektore kritikoak barkamena eskatzea espero duela, auzitegiek atzera bota baitute primarioetan izandako ustezko irregulartasunengatik jarri zuten salaketa, eta espero du "atzera egitea" eta epaiari helegiterik ez jartzea.
Blancok agerraldia egin du Gasteizen, alderdiaren egoitzan, epaiaren irakurketa egiteko; izan ere, auzitegiak ebatzi du ez zela urratu Pello Urizarren oinordeko izateko primarioen prozesuan parte hartzeko eskubidea, Maiorga Ramirez hautagai izan zenak salatu zuen moduan.
Alderdiko idazkari nagusiak azpimarratu du epailearen erabakiak argi uzten duela ez zela "inolako iruzurrik" egin, eta berme guztiak bete zituztela prozesua "neutrala, gardena eta barne araudiarekin bat zetarrena izan zela".
Sektore kritikoak haren aurka egindako "irainak eta gezurrak" arbuiatu ditu, eta barkamena eskatuko dioten esperantza agertu du. "Ongi etorria da proiektu honekin bat egin nahi duen oro, baina eraikitzeko, ez suntsitzeko", zehaztu du Araba, Gipuzkoa eta Nafarroako koordinatzaile nagusiei, Iratxe Lopez de Aberasturi, Mikel Goenaga eta Miren Aranoari, erreferentzia eginez.
"Ez gara inoiz liskarren aldekoak izan, gehiago gara lan diskretukoak. Ikuspegi hori partekatzen ez duenak dinamika hori hausten du, eta ez die gainerakoei lan egiten uzten. Espero dugu salatzaileek atzera egitea, helegiterik ez jartzea, eta inoiz hasi behar ez zuten bidetik aldentzea ", adierazi du.
Bestalde, sektore kritikoko ordezkariek esan dute epaiak inkoherentziak dituela, eta, ohar baten bidez adierazi dutenez, edukia juridikoki aztertzen ari dira, errekurritu ala ez erabakitzeko.
Zure interesekoa izan daiteke
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek euskara Nafarroako berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.