“Ate guztiak irekita ditugu: koalizioko gobernu bat edo egonkortasuneko akordio bat”
PSE-EE alderdiko idazkari nagusiak, Idoia Mendiak, Radio Euskadiko ‘Boulevard Informativo’ saioan berretsi duenez, “akordioa lortzeko helburuarekin” eta Eusko Jaurlaritzari “egonkortasuna” emateko asmotan bilduko da datorren astelehenean EAJrekin. Sozialisten liderrak horretarako bi formula daudela ohartarazi du: koalizioko gobernu bat berregituratzea edo parlamentuko egonkortasuna lortuko duen akordio bat lortzea. Gainera, bi aukeren artean ez duela “inolako aurreiritzirik” onartu du.
Bilerara “edozein aukerari ateak irekita” eta “akordio batera heltzeko borondatearekin “joango direla berretsi du, eta beraien helburua Eusko Jaurlaritzari “egonkortasuna” ematea dela, Euskadirentzak beharrezkoak diren politikak “adostuta”. Horren harira, “formula ez dela lehenetsi behar” azaldu du, lehenengo hitz egitea beharrezkoa dela, ikuspuntuak eta lehentasunak partekatu”.
Josu Erkorekak, Eusko Jaurlaritzako bozeramaileak astearte honetan baieztatu zuen EAJko eta PSE-EEko kontseilariek koalizioko gobernuaren formula berriro errepikatzea adostu zuela. Zentzu horretan, Mendiak ohartarazi du Erkorekak, Gobernuko bozeramaile bezala, ezin duela “alderdi guztiengatik hitz egin”, erabakiak alderdi bakoitzari dagozkiolako. “Kontseiluan esertzen diren kontseilariek euren iritzi propioa izan dezaketela” gaineratu du Mendiak, “baina egoera honetan ez dira baliagarriak”.
PSE-EEko buruak egoera “larri honetan” Gobernu “indartsu eta egonkor” baten beharra azpimarratu du. “Lehen baldintza horretatik aurrera, Gobernua indartzeko eta egonkortasuna emateko estrategiak bi motatakoak izan daitezke: Gobernuaren eginbeharrak koalizioko Gobernu batekin partekatuta, edota legebiltzarreko egonkortasuna bermatuko duen akordio batera helduta”. Mendiak hori guztia “batez ere asteleheneko bileran oinarrituta” ikusiko litzakeela gaineratu du.
Bere lehentasunaren inguruan galdetzean, orain arte koalizioko Gobernuak “ondo jardun duela” adierazi du, eta “ez duela inongo aurreiritzirik” azaldutako bi formulen artean, 2012an eta 2016 arteko legealdian ere akordioa egon baitzen.
Bestalde, sozialistak dauden Gobernu batean ez direla “legez kanpokoak, hausturak sortuko dituzten edo biztanleak aurrez aurre jarriko dituzten” erabakiak hartuko. Horrekin batera, Gobernuan badaude, beraien helburu nagusiak “ekonomia, enplegua eta zerbitzu publikoa berraktibatzea” izango dira.
Gobernuan sartzeko aukeren inguruan galdetuta, beregain eta bere alderdiaren esku dagoen erabaki bat dela azaldu du, baina “pertsonei buruz hitz egitea sailei buruz hitz egitea bezalakoa” dela azaldu du, “beti amaieran doa”.
Albiste hau Radio Euskadik egin du eta eitb.eus-ek itzuli du.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.