Auzitegi Nazionalak Marixol Iparragirreri 122 urteko espetxe-zigorra ezarri dio
122 urteko kartzela-zigorra ezarri dio Auzitegi Nazionalak Marixol Iparragirre Anboto ETAko buruzagi ohiari, Luciano Cortizo Armadako komandantea "hiltzeko agindua" ematea eta "lehergaiak hornitzea" egotzita. ETAk Lehor-armadako buruzagia 1995eko abenduaren 22an, Leonen, hil zuen. Ibilgailuaren eserleku azpian lapa-bonba jarri zioten.
Frantziak Anboto iragan udazkenean Espainiaratu zuenetik aurreneko zigorra da. Auzitegi Nazionalean beste 11 auzi zain ditu.
“Helburua finkatu, lehergaiak erraztu eta lapa-bonba egiteko, garraiatzeko eta auto barruan, eserleku azpian, jartzeko argibideak eman zituen, egilea arriskuan jarri barik xedearen heriotza ziurtatzeko”, azaldu du Auzitegi Nazionalak.
Aretoaren hitzetan, Iparragirrek Sergio Polo Lur-i erasoa egiteko agindua eman zion. Polok berak bakarrik ETAko taldea osatzen zuen. Lur-i 110 urteko espetxealdia ezarri zioten atentatuagatik.
"Torturapean hartutako deklarazioak oinarri hartuta eraikitako auziekin, bizi osorako espetxe zigorrak inposatzen segitzen du espainiar Estatuak", salatu du Sortuk Twitter sare sozialean.
"Euskal Herrian bakea eraikitzeko ekarpen handia egin duen pertsona da Marixol. Baina bidea oztopatzen segi nahi dute batzuek", erantsi du alderdi abertzaleak.
Marixol Iparragirrek, Josu Urrutikoetxearekin batera, ETAren azken agiriari ahotsa jarri zion.
Iparragirre ETAko militante historikoa da. ETAn 1981an sartu zela uste da. Araba eta Madril taldeetakoa kidea izan zen, 1984-1987 eta 1992-1993 urteetan, hurrenez hurren. Ondoren Frantziara ihes egin zuen.
2004ko urriaren 3an atxilotu zuten, Salis-de-Bearneko etxe batean, Mikel Albisurekin batera. Garai hartan ETAren finantzazioaz arduratzen zen Iparragirre.
Mikel Albisu eta biei 20 urteko espetxe-zigorra ezarri zien Parisko Auzitegiak, 2010eko abenduaren 17an. Ebazpenaren arabera, Albisu ETAko buruzagi politikoa zen eta Iparragirre erakundearen finantzazio arduraduna.
2012ko apirilaren 13az geroztik, Euskal Preso Politikoen Kolektiboko (EPPK) bozeramaileetako bat da Iparragirre.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.