Frankismoan izandako berme gabeko epaiketak baliogabetuko ditu Espainiako gobernuak
Memoria demokratikoaren lege berriaren aurreproiektua onartu dute gaur Ministro Kontseiluan. Lege horren bidez, zenbait helburu lortu nahi dituzte: frankismoan izandako bermerik gabeko epaiketak erabat deuseztea, Erorien Harana hilerri zibil bat bihurtzea eta estatuak hobi komunetako gorpuzkiak berreskuratzeko baliabideak izatea.
Carmen Calvo Espainiako Gobernuko lehen presidenteordeak prentsaurreko batean azaldu du hezkuntza curriculumari gehitu nahi diotela memoria demokratikoa.
Bestalde, iragarri du DNA-banku bat sortu nahi dutela, hobi komunetan dauden gorpuzkiak identifikatzeko, eta Auzitegi Gorenean Fiskaltza berri bat eratu nahi dutela, errepresioaren eta diktaduraren biktima izan direnen eskubideak babesteko.
Calvok adierazi du arau berri horrek 2007ko memoria demokratikoaren legea berrituko duela. Halere, aurreratu du prozesua oso luzea izango dela, eta, horregatik, "lau urteko planak" adostuko dituzte, egitasmo horien bideragarritasun ekonomikoa bermatzeko eta frankismoko biktimei lagundu ahal izateko.
Ildo horretan, diktaduraren biktima izan diren taldeetan jarriko dute arreta, dela ijitoetan, dela homosexualetan. Horretarako, zenbait elkarteren laguntza izango dute.
Presidenteordearen hitzetan, "premiazko" kontu bat da aipatutakoa, demokrazian behar-beharrezkoa baita gisa horretako lege bat edukitzea. Bide hori jarraituz, Espainiako demokrazia munduko aurreratuenekin parekatuko da, Calvoren aburuz.
Francisco Franco eta antzeko elkarteei dagokienez, aurreproiektuak dio ez direla diru publikoarekin finantzatutako fundazioak onartuko, baldin eta totalitarismoa edota ikur diktatorialak goratzen badituzte.
Zure interesekoa izan daiteke
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.