Javier Remirez: "Iruñean egoera hobetzen ez bada, ezin dugu konfinamendua baztertu"
Javier Remirez Nafarroako Gobernuko lehen presidenteorde eta Presidentzia, Berdintasun, Funtzio Publiko eta Barne kontseilariak ostiral honetan Radio Euskadiko Boulevard albistegian adierazi duenez, "urriaren 13an indarrean sartu ziren neurri murriztaileen ondorioen zain" daude, eta "positiboen datuetan zein ospitale-ahalmenean ondorio positiboak izatea" nahi dute.
"Iruñean ezin dugu konfinamendu perimetrala ezartzeko aukera baztertu, datuak hobetzen ez badira behintzat". Remirezek berretsi duenez, "koronabirusaren bilakaera ikusten joango gara", baina tabernen itxiera "ez da aurreikusten", Katalunian ez bezala.
Javier Remírezek Eusko Jaurlaritzaren eta Nafarroako Gobernuaren arteko kontaktu estua nabarmendu du, gauzak bere onera ekartzeko asmotan; izan ere, Foru Gobernuak ulertu zuen Euskaditik haiei egozten zitzaiela EAEko udalerrietan kutsatzeak areagotzearen ardura. "Gaitza Nafarroatik Euskadira mugitzen da, eta alderantziz ere. Bi erakundeen arteko komunikazioa ezin hobea da", esan du, haien arteko elkarlana azpimarratuz.
"Zorrotzago jokatu behar izan genuen", onartu du Remirezek, toki pribatuetan murrizketak betearazteko izan dituzten zailtasunak aipatuz. Remirezen hitzetan, "Espainiako Gobernuaren asmoak ez doaz jada indarrean dauden neurrietatik haratago", eta Nafarroako udalerrietan dauden konfinamendu perimetralak gogorara ekarri ditu. Remirezen esanetan, positiboen eta kontaktuen % 85 eremu pribatuan eta aisialdian kutsatzen dira.
Aurrekontuen negoziazioei dagokienez, Remirezek gaur egun bizi dugun "ezohiko" unea aipatu du bazkide jakin baten alde ez egiteko: "Eskua luzatzen diegu Nafarroako Parlamentuan ordezkatuta dauden talde guztiei". EH Bildurekin izandako negoziazioen inguruan, Gobernuko bozeramaileak azaldu du zergak igotzeko prest daudela, "baina aldaketa handirik gabe".
"Ahal denean, goi-goian ospatuko dugu". Osasunaren mendeurrenari buruz galdetuta, Serafin Zubirik abesti berria sortu duela esan du. "Denok Sadarren ereserki berria abestea espero dut", eta "Osasuna kohesio faktorea" dela gaineratu du.
Jatorrizko informazioa Radio Euskadik landu eta eitb.eus-ek itzuli du:
CONTENIDO NO ENCONTRADO
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.